Skipulags- og byggingarnefnd

6. fundur 11. september 2002
Skipulags- og byggingarnefnd  Skagafjarðar
Fundur 6 - 11.09.2002
     Ár 2002, miðvikudaginn 11. september kl.815 kom Skipulags- og byggingarnefnd saman til fundar í Ráðhúsinu við Skagfirðingabraut á Sauðárkróki. 
Mætt voru:    
    Bjarni Maronsson, Sigurbjörg Guðmundsdóttir, Gunnar Bragi Sveinsson, Óskar S.
Óskarsson slökkviliðsstjóri, Jón Örn Berndsen skipulags- og byggingarfulltrúi og
Sigurður H. Ingvarsson starfsmaður tæknideildar.
 
Dagskrá:
                1.      Íþróttavöllurinn Sauðárkróki.
  
             2.      Freyjugata 48 – skóladagheimili
  
             3.      Keldudalur, byggingarleyfisumsókn
  
             4.      Aðalgata 18 Sauðárkróki
  
             5.      Skógargata 19b Sauðárkróki
  
             6.      Suðurgata 10 Sauðárkróki
  
             7.      Barmahlíð 5 Sauðárkróki
  
             8.      Hólar í Hjaltadal – byggingarleyfi f. súrefnistank
  
             9.      Freyjugata  5 Sauðárkróki
  
             10.  Baki í Viðvíkursveit – frístundahús
  
             11.  Flæðigerði – Umsókn um hesthússlóð
  
             12.  Hótel Tindastóll – umsögn vegna veitingar
  
             13.  Önnur mál. 
Afgreiðslur: 
  1. Íþróttasvæðið á Sauðárkróki. Teikningar af þeim breytingum, sem fyrirhugað er að gera á íþróttasvæðinu vegna Landsmóts 2004 voru til umfjöllunar á fundi nefndarinnar 14. ágúst sl. og afgreiðslu þá frestað. Nú liggur fyrir umsögn Skipulagsstofnunar á erindinu. Að fenginni þeirri umsögn samþykkir nefndin að óska eftir því við framkvæmdaraðila að unnið verði deiliskipulag af íþróttasvæðinu og lagt fyrir nefndina. Skipulagstillagan verði síðan kynnt skv. 1. mgr. 25. gr. skipulags- og byggingarlaga.
  1. Freyjugata 48, skóladagheimili. - Byggingarfulltrúi gerði grein fyrir stöðu mála. Umbeðnar teikningar af húsinu hafa nú loks borist ásamt umsögn Brunavarna Skagafjarðar, sem telja að flóttaleiðir úr húsinu séu ófullnægjandi miðað við þessa starfsemi. Nefndin fellst á að veita tímabundið leyfi, til loka þessa skólaárs, fyrir starfseminni á þessum stað, verði strax orðið við kröfum eftirlitsaðila um úrbætur. Aðkomu að húsinu og umferðaröryggi  þarf að skoða nánar áður en þessi starfsemi er heimiluð til lengri tíma. Einnig þarf þá að kanna hug nágranna til málsins.
  1. Keldudalur, byggingarleyfisumsókn. Þórarinn Leifsson og Guðrún Lárusdóttir sækja um byggingarleyfi fyrir frístunda- og gestahúsi í Keldudal samkvæmt meðfylgjandi aðaluppdráttum unnum af Teiknistofunni Torginu. Meðfylgjandi afstöðuuppdráttur er unninn af  Hjalta Þórðarsyni Hólum í Hjaltadal. Vegna þessa máls liggur fyrir umsögn Þórs Hjaltalín Minjavarðar norðurlands vestra. Samþykkt að senda erindið til umsagnar Skipulagsstofnunar í samræmi við Skipulags- og byggingarlög, 3 tl. ákvæða til bráðabirgða.
  1. Aðalgata 18 Sauðárkróki. Bréf lóðarhafa Maríu B. Ingvadóttur og Ómars Braga Stefánssonar Skógargötu 2 tekið fyrir. Þar er óskað eftir að Sveitarfélagið leysi til sín lóðina. Nefndin telur eðlilegt af skipulagsástæðum að leysa til sín lóðina og felur Tæknideild að fullgera tillögu þar um.
  1. Skógargata 19b Sauðárkróki.  Bréf húseigenda Önnu Friðriksdóttur tekið fyrir. Þar er óskað eftir viðræðum um að Sveitarfélagið kaupi húseignina Skógargötu 19 b. Nefndin telur eðlilegt af skipulagsástæðum að kaupa húseignina og felur Tæknideild að ræða við bréfritara og athuga um hvort samkomulag náist um verð og greiðsluskilmála.
  1. Suðurgata 10 Sauðárkróki. Fyrir liggur erindi frá Ægi Ásbjörnssyni Suðurgötu 10 þar sem óskað er eftir að byggja vinnustofu og bílgeymslu vestast í lóðinni. Nýbyggingin   hafi aðkomu vestanfrá. Ekki er hægt að fallast á erindið eins og það liggur fyrir.
  1. Barmahlíð 5 Sauðárkróki. Bréf Jóns Þórs Bjarnasonar og Svanhildar Guðmundsdóttur dagsett 20. ágúst sl. lagt fram. Þar er óskað eftir að fyrri afgreiðslu Umhverfis- og tækninefndar Skagafjarðar vegna óskar um breytta aðkomu að lóðinni verði breytt og fallist á sjónarmið húseigenda. Afgreiðslu frestað til næsta fundar.
  1. Hólar í Hjaltadal – Einar Svavarsson  fh. Hólaskóla óskar heimildar til að reisa súrefnistank við bleikjukynbótastöðina á Hólum. Tankurinn er frá AGA og verður byggður og frágenginn í samræmi við reglur þar um. Meðfylgjandi uppdrættir eru unnir af Forsjá verkfræðistofu. Erindið samþykkt.
  1. Freyjugata  5 Sauðárkróki. Bréf Kristjáns Arnar Kristjánssonar og fjölskyldu Freyjugötu 5 tekið fyrir. Þar er óskað eftir heimild til að reisa skjólvegg á lóðarmörkum í samræmi við áður fengið leyfi frá 24.5.1995. Þá er þess einnig óskað að Sveitarfélagið komi að gerð skjólveggjarns. Fallist er á gerð veggjarins og lengingu hans en kostnaðarþátttöku hafnað.
  1. Bakki í Viðvíkursveit – frístundahús Jóhanna Birgisdóttir óskar heimildar til að flytja á lóð sína í landi Bakka hús sem hún hefur keypt og er á lóð í landi Hellulands. Það hús var áður eign Gísla Gunnarssonar á Sauðárkróki. Húsið er 15, 2 m2 að stærð. Erindið samþykkt.
  1. Flæðigerði – Fyrirspurn vegna hesthússlóðar. Þór Jónsson og Ásmundur J. Pálmason, báðir á Sauðárkróki leggja fram fyrirspurn varðandi byggingu hesthúss fyrir 8 hesta á hesthúsasvæðinu við Flæðigerði. Fyrirspurnin lítur að því hvort hugsanlegt sé að stækka lóðir sem fyrirhugaðar eru undir þessi hús þannig að svæði sem fyrirhugað er fyrir níu hús verð byggt sex húsum. Nefndin tekur jákvætt í erindið og felur byggingarfulltrúa að vinna það áfram. Fyrir liggur umsögn formanns félags hesthúsaeigenda á svæðinu sem telur breytinguna til bóta. 
Gunnar Bragi vék nú af fundi vegna anna. 
  1. Hótel Tindastóll – Umsögn v vínveitinga í Hótel Tindastóli Sauðárkróki. Óskað er umsagnar nefndarinnar um erindi Lazar’s ehf. um leyfi til tímabundinna áfengisveitinga í Hótel Tindastóli.  Sótt er um leyfið til tveggja ára. Nefndin gerir ekki athugasemdir við erindið.
  1. Önnur mál. – Engin
Fleira ekki gert, fundargerð upplesin og samþykkt. 
Fundi slitið kl. 1012   
               Jón Örn Berndsen ritari fundargerðar