Samstarfsnefnd með Akrahreppi

10. fundur 20. desember 2011 kl. 15:00 - 17:45 í Varmahlíðarskóla
Nefndarmenn
  • Valdimar Óskar Sigmarsson aðalm.
  • Sigríður Svavarsdóttir aðalm.
  • Ásta Björg Pálmadóttir sveitarstjóri
  • Herdís Á Sæmundardóttir fræðslustjóri
  • Agnar Gunnarsson oddviti Akrahrepps
  • Þorleifur Hólmsteinsson fulltrúi Akrahrepps
Fundargerð ritaði: Herdís Á Sæmundardóttir fræðslustjóri
Dagskrá
Skólastjóri Birkilundar, Steinunn Arnljótsdóttir og skólastjóri Varmahlíðarskóla, Ágúst Ólason, sátu fundinn undir liðum 1 og 3.
Guðmundur Þór Guðmundsson forstöðumaður eignasjóðs sat fundinn undir liðum 2 og 4.

1.Fjárhagsáætlun fræðslusviðs 2012

1111093

Fræðslustjóri ásamt leik- og grunnskólastjórum kynntu fjárhagsáætlanir Birkilundar og Varmahlíðarskóla. Formaður bar upp áætlarninar og samstarfsnefndin samþykkti þær fyrir sitt leyti.

Skólastjóri Varmahlíðarskóla kynnti einnig fjárhagsáætlun íþróttamiðstöðvar í Varmahlíð. Áætlunin samþykkt með fyrirvara um að útfærsla opnunartíma sé ásættanleg að mati nefndarmanna. Tillaga þar um þarf að liggja fyrir í síðasta lagi 30. desember n.k.

2.Endurbætur á skólastjórabústað

1112268

Rætt um stöðu framkvæmda við endurnýjun skólastjórabústaðar. Ráðgert er að framkvæmdum ljúki um mánaðarmótin janúar/febrúar.

3.Flutningur leikskóla í grunnskólann

1112269

Skólastjórar Birkilundar og Varmahlíðarskóla kynntu hugmyndir sínar um flutning leikskólans í grunnskólann. Markmið flutningsins er annars vegar að auka nýtingu grunnskólahúsnæðisins, samnýtingu tækja, tóla og mannauðs og jafnframt að auka faglega samfellu í námi barna í leik- og grunnskóla. Samstarfsnefnd felur skólastjórum, fræðslustjóra og forstöðumanni eignasjóðsað að vinna áfram að hönnun húsnæðisins og framkvæmd málsins í samráði við samstarfsnefnd og fræðslunefnd Sveitarfélagsins Skagafjarðar.

4.Sala húsnæðis í Varmahlíð

1112270

Samstarfsnefnd samþykkir að auglýsa Norðurbrún 1 í Varmahlíð til sölu.

5.Skólaakstur í út-Blönduhlíð

1112271

Málið rætt

6.Framlag Akrahrepps til rekstrar Héraðsbókasafns Skagfirðinga

1112320

Samningur um rekstur Héraðsbókasafns er liður í samstarfssamningi sveitarfélaganna sem í gildi er og fer eftir honum um þátttöku Akrahrepps í rekstri safnsins.

Samstarfsnefndin óskar íbúum sveitarfélaganna gleðilegra jóla, árs og friðar.

Fundi slitið - kl. 17:45.