Menningar- og kynningarnefnd

33. fundur 29. september 2008 kl. 13:00 - 15:00 í Ráðhúsi, Skagf.braut 17-21
Nefndarmenn
  • Guðrún Helgadóttir formaður
  • Hrund Pétursdóttir varaform.
  • Bjarni Kristinn Þórisson aðalm.
  • Björg Baldursdóttir áheyrnarftr. VG
  • Áskell Heiðar Ásgeirsson sviðsstjóri markaðs- og þróunarsviðs
Fundargerð ritaði: Áskell Heiðar Ásgeirsson Sviðsstjóri markaðs- og þróunarsviðs
Dagskrá

1.Þjóðskjalasafn - Skráningarverkefni á Sauðárkróki

0801050

Nefndin hóf fundinn í aðstöðu sem Héraðsskjalasafnið hefur komið sér upp við Borgarmýri, þar sem unnið er að skráningu skjala og við innslátt á manntölum. Nefndin skoðaði aðstæður og Unnar Ingvarsson héraðskjalavörður kynnti stöðu verkefnisins. Áhugi er hjá nefndinni á því að efla verkefnið í samráði við Þjóðskjalasafnið á komandi misserum.

2.Fundur Héraðsskjalasafna - framtíðarsýn safnanna

0809072

Unnar Ingvarsson héraðsskjalavörður fór yfir starfsemi Héraðsskjalasafnsins á síðasta ári, safnið er það héraðsskjalasafn á landinu sem flestir gestir heimsækja, en þeir voru yfir 1.300 á síðasta ári.
Unnar sagði frá fundi Héraðsskjalavarða sem fór fram í Stykkishólmi nýverið.

3.Listaverk Jóhannesar Geirs - gjöf

0807052

Unnar Ingvarsson héraðsskjalavörður sýndi nefndinni hluta af þeirri gjöf sem Listasafni Skagfirðinga barst á dögunum og inniheldur skissur, málverk og muni úr dánarbúi Jóhannesar Geirs listmálara. Rætt um næstu skref varðandi stefnumótun fyrir Listasafn Skagfirðinga, en með áðurnefndri gjöf hefur listaverkaeign safnsins aukist um u.þ.b. helming. Ákveðið að ræða málið við gerð fjárhagsáætlunar fyrir árið 2009.

4.Skipun í hússtjórn Bifrastar

0809075

Nefndin skipar Ingunni Sigurðardóttur í hússtjórn Bifrastar í stað Hólmfríðar Guðmundsdóttur.

5.Umsókn um ársleyfi

0809074

Lagt fram erindi frá Sigríði Sigurðardóttur forstöðumanni Byggðasafns Skagfirðinga þar sem hún óskar eftir eins árs náms- og rannsóknarleyfi á launum frá næstu áramótum. Nefndin samþykkir að veita Sigríði ársleyfi og ákveður að taka málið upp við gerð fjárhagsáætlunar fyrir árið 2009.

6.Fjárhagsáætlun 2009 - Menningarmál

0809073

Rætt um gerð fjárhagsáætlunar fyrir næsta ár. Drög að fjárhagsáætlun verða lögð fyrir næsta fund nefndarinnar.

Fundi slitið - kl. 15:00.