Menningar- og kynningarnefnd

39. fundur 27. maí 2009 kl. 13:00 - 15:11 í Ráðhúsi, Skr.
Nefndarmenn
  • Guðrún Helgadóttir formaður
  • Hrund Pétursdóttir varaform.
  • Bjarni Kristinn Þórisson aðalm.
  • Björg Baldursdóttir áheyrnarftr. VG
  • Guðrún Ólafía Brynleifsdóttir starfsm. mark.- þróunarsviðs
Fundargerð ritaði: Guðrún Ólafía Brynleifsdóttir starfsm. Markaðs- og þróunarsviðs
Dagskrá

1.Rekstur Menningarhússins Miðgarðs

0812021

Agnar Gunnarsson oddviti Akrahrepps sat þennan lið fundarins. Lagðar fram umsóknir sem bárust eftir að auglýst var eftir rekstraraðila fyrir Menningarhúsið Miðgarð í annað sinn.
Alls bárust sjö umsóknir.
Farið var yfir umsóknirnar og ákveðið að boða tvo aðila á eigendafund í Miðgarði, þar sem þeir geta gert nánari grein fyrir sínum umsóknum.

2.Leiga á Ljósheimum

0801020

Lagt fram erindi frá Sigrúnu Aadnegard rekstraraðila Ljósheima þar sem hún fer fram á framlengingu á núverandi leigusamningi til ársloka 2011. Menningar- og kynningarnefnd samþykkir erindið fyrir sitt leyti, Guðrúnu Brynleifsdóttur er falið að ræða við meðeigendur og ganga frá samningi.

3.Skagasel - rekstur 2009

0903049

Lagður fram til staðfestingar samningur milli hússtjórnar Skagasels og Sigrúnar Mörtu Gunnarsdóttur. Erindi samþykkt.

4.Náttúrugripasafn

0903084

Lagt fram bréf frá Náttúrustofu Norðurlands vestra varðandi möguleika á uppbyggingu náttúrugripasafns/sýningar í Skagafirði. Óskar Dr. Þorsteinn Sæmundsson eftir viðræðum við fulltrúa sveitarfélagsins um hvort og hvernig megi byggja upp áhugaverða sýningu/kynningu/safn á lífríki og náttúru Skagafjarðar.
Erindinu var vísað til Menningar- og kynningarnefndar frá Byggðarráði til afgreiðslu.
Formaður hefur rætt við Þorstein og í framhaldi af því var starfsmanni falið að kanna möguleikana og gera Þorsteini grein fyrir niðurstöðunni.

5.Gjöf til minningar um Stefán Íslandi

0905057

Lagt fram gjafabréf frá Stefáni Stefánssyni sem hann afhenti sveitarfélaginu við opnun Miðgarðs 26. apríl sl. Bréfinu fylgja úrklippur með sögu Stefáns Íslandi. Menningar- og kynningarnefnd þakkar fyrir gjöfina. Starfsmanni falið að koma þökkum nefndarinnar á framfæri.

6.Suzuki-fiðlunámskeið - styrkumsókn 2009

0903072

Lögð fram umsókn um styrk frá Kristínu Höllu Bragadóttur vegna sumarnámskeiðs á fiðlu sem hún stendur fyrir í júní. Samkvæmt ákvörðun Menningar- og kynningarnefndar í tengslum við gerð fjárhagsáætlunar fyrir 2009 var ákveðið að úthluta ekki úr menningarsjóði Sveitarfélagsins Skagafjarðar. Var sú ákvörðun kynnt með auglýsingu í Sjónhorninu, umsókn er því hafnað.

7.Umsókn um styrk vegna tónlistarveislu í Sæluviku

0903088

Lögð fram umsókn frá Sigurpáli Aðalsteinssyni um styrk til tónlistarveislu sem haldin var 1. maí sl. í tilefni af Sæluviku. Byggðarráð vísaði erindinu til Menningar- og kynningarnefndar til umsagnar. Samkvæmt ákvörðun Menningar- og kynningarnefndar í tengslum við gerð fjárhagsáætlunar fyrir 2009 var ákveðið að úthluta ekki úr menningarsjóði Sveitarfélagsins Skagafjarðar. Menningar- og kynningarnefnd hefur því ekki fjármuni til að verða við þessu erindi.

Fundi slitið - kl. 15:11.