Menningar- og kynningarnefnd

28. fundur 29. janúar 2008 kl. 13:00 - 15:00 í Ráðhúsinu
Nefndarmenn
  • Guðrún Helgadóttir formaður
  • Hrund Pétursdóttir varaformaður
  • Bjarni Kristinn Þórisson aðalmaður
  • Björg Baldursdóttir áheyrnarfulltrúi
  • Áskell Heiðar Ásgeirsson sviðsstjóri markaðs- og þróunarsviðs
Fundargerð ritaði: Áskell Heiðar Ásgeirsson Sviðsstjóri markaðs- og þróunarsviðs
Dagskrá

1.Starfsáætlun Menningar- og kynningarnefndar

0801093

Rætt um starfsáætlun nefndarinnar fyrir árið 2008. Stefnumörkun er í fullum gangi hjá Byggðasafni, Héraðsskjalasafni og Héraðsbókasafni. Rætt um skjalavistunarverkefni frá Þjóðskjalasafni, um fyrirhugaðan fund varðandi safnasvæðið í Glaumbæ, menningarhúsið Miðgarð og fleira. Ennfremur rætt um stöðu félagsheimilamála. Í kynningarmálum var rætt um kynningu á sveitarfélaginu sem vænlegum búsetukosti og nýtingu á heimasíðu sveitarfélagsins.

2.Úthlutun úr Menningarsjóði 2008

0801092

Samþykktar breytingar á 3. grein úthlutunarreglna, þess efnis að aðeins verði auglýst einu sinni á ári eftir styrkjum, í stað þess að úthluta tvisvar. Sviðsstjóra falið að auglýsa eftir umsóknum um styrki fyrir árið 2008.

3.Leiga á Ljósheimum

0801020

Lagður fram samningur milli hússtjórnar Ljósheima og Sigrúnar Aadnegaard, dags. 08.01.2008. Nefndin samþykkir samninginn og óskar Sigrúnu góðs gengis í hennar rekstri.

4.Leiga á Skagaseli

0801095

Lagt fram erindi frá Sigrúnu M. Gunnarsdóttur, dags. 07.01.2008 þar sem hún óskar eftir því að taka við rekstri félagsheimilisins Skagasels. Nefndin tekur jákvætt í erindið og felur sviðsstjóra að ganga til samninga við Sigrúnu með fyrirvara um samþykki meðeigenda Skagasels.

5.Listskreytingasjóður ríkisins: Auglýst eftir umsóknum

0801078

Lagt fram til kynningar erindi frá Listskreytingarsjóði Íslands. Sviðsstjóra falið að kanna hvort vænlegt sé að sækja um verkefni í sjóðinn.

Fundi slitið - kl. 15:00.