Menningar- og kynningarnefnd

51. fundur 09. mars 2011 kl. 15:00 - 16:30 í Ráðhúsi, Skr.
Nefndarmenn
  • Björg Baldursdóttir formaður
  • Sigríður Magnúsdóttir varaform.
  • Hrefna Gerður Björnsdóttir ritari
  • Árni Gísli Brynleifsson áheyrnarftr.
  • Áskell Heiðar Ásgeirsson sviðsstjóri markaðs- og þróunarsviðs
  • Guðrún Ólafía Brynleifsdóttir starfsm. mark.- þróunarsviðs
Fundargerð ritaði: Áskell Heiðar Ásgeirsson sviðsstjóri markaðs- og þróunarsviðs
Dagskrá

1.Málefni Skagasels

1008061

Auglýst var eftir rekstraraðila fyrir Skagasel í janúar sl. Engin umsókn barst. Húsið er því í umsjón hússtjórnarinnar í Skagaseli eftir að samningur við núverandi rekstraraðila rennur út í maí.

2.Félagsheimili Rípurhrepps

1103015

Rætt um málefni Félagsheimilisins í Hegranesi og ákveðið að boða hússtjórn hússins á næsta fund nefndarinnar.

3.Málefni Ketilás

1011071

Auglýst var eftir rekstraraðila fyrir félagsheimilið Ketilás í Fljótum, tvær umsóknir bárust. Nefndin samþykkir að ganga til samninga við Stefaníu Hjördísi Leifsdóttur.

4.Sæluvika 2011

1008059

Guðrún Brynleifsdóttir kynnti stöðu mála varðandi undirbúning Sæluviku sem fram fer 1.-7.maí nk. Mikill fjöldi spennandi viðburða verður í boði í Sæluviku þessa árs og gert er ráð fyrir því að fleiri viðburðir munu bætast við.

5.Þjóðleikur á Norðurlandi

1001009

Guðrún Brynleifsdóttir kynnti stöðu mála varðandi verkefnið Þjóðleik, verkefninu mun ljúka með mikilli leiklistarhátíð á Akureyri fyrstu helgina í apríl þar sem unglingar af öllu Norðurlandi munu koma saman og frumflytja ný leikverk.

6.Gjafabréf/Minnjasafn Kristjáns Runólfssonar

1011177

Lagt fram til kynningar gjafabréf frá Hjalta Pálssyni þar sem hann afhendir Byggðasafni Skagfirðinga til eignar og varðveislu muni sem áður voru í eigu Kristjáns Runólfssonar.

Nefndin vill færa Hjalta bestu þakkir fyrir hans hlut í því að koma áðurnefndum munum aftur til varðveislu í Skagafirði.

7.Verkefnastyrkir til menningarstarfs 2011

1102132

Lögð fram til kynningar auglýsing frá Menningarráði Norðurlands vestra vegna menningarstyrkja, umsóknarfrestur er til 15. mars nk.

8.Norðlensk tíðindi á N4

1102058

Lagt fram til kynningar erindi frá sjónvarpsstöðinni N4 þar sem hún kynnir starfsemi sína. Nefndin felur sviðsstjóra að ræða við N4 með mögulegt samstarf í huga. Ákveðið að ræða málið betur á næsta fundi.

Fundi slitið - kl. 16:30.