Landbúnaðarnefnd

153. fundur 17. ágúst 2010 kl. 13:00 - 14:22 í Ráðhúsi, Skr.
Nefndarmenn
  • Ingi Björn Árnason formaður
  • Valdimar Óskar Sigmarsson varaform.
  • Haraldur Þór Jóhannsson ritari
  • Sigurður Haraldsson starfsmaður landbúnaðarnefndar
Fundargerð ritaði: Margeir Friðriksson sviðsstjóri stjórnsýslu- og fjármálasviðs
Dagskrá

1.Samráðsnefnd um Eyvindarstaðaheiði og Blöndusamning

1008014

Lagt fram til kynningar bréf frá Landgræðslu ríkisins þar sem minnt er á að skv. svokölluðum Blöndusamningi frá 15. mars 1982 og viðauka við þann samning, dags 18. janúar 1990, er gert ráð fyrir að starfandi sé samráðsnefnd virkjunaraðila Blönduvirkjunar og heimamanna. Hvetur Landgræðslan til þess að sveitarstjórnir Húnavatnshrepps og Sveitarfélagsins Skagafjarðar skipi fulltrúa í samráðsnefnd og óski eftir skipun fulltrúa frá Landsvirkjun.

2.Umsókn um fjármagn til girðingaframkvæmda

1008142

Lagt fram erindi frá stjórn Upprekstrarfélags Eyvindarstaðaheiðar, þar sem óskað er eftir fjárframlagi til að girða nýtt hvíldarhólf við Hvíteyrar, fyrir fjárrekstur. Notkun á þessu hólfi myndi stytta fjárreksturinn allt að 3 klst.

Landbúnaðarnefnd óskar eftir frekari upplýsingum s.s. um lengd girðingar og áætlaðan kostnað við uppsetningu hennar.

3.Kjör fulltrúa í fjallskilanefnd í Hóla- og Viðvíkurhreppum.

1006173

Kjartan Birgisson hefur beðist lausnar sem varamaður i fjallskilanefnd Hóla- og Viðvíkurhrepps. Landbúnaðarnefnd samþykkir að verða við því. Einnig samþykkt að Sólberg Sigurbergsson víki sem aðalmaður úr fjallskilanefnd Hóla- og Viðvíkurhrepps og í stað hans komi Þórarinn Már Halldórsson.

4.Kjör fulltrúa í fjallskilanefnd Sauðárkróks

1006177

Áður á dagskrá 152. fundar landbúnaðarnefndar. Ingimar Jóhannsson hefur óskað lausnar úr fjallskilanefnd Sauðárkróks.

Landbúnaðarnefnd samþykkir að verða við ósk hans og að Sigurjóna Skarphéðinsdóttir verði fjallskilastjóri í hans stað. Einnig samþykkt að Stefán Jón Skarphéðinsson taki sæti sem aðalmaður í fjallskilanefndinni.

Fundi slitið - kl. 14:22.