Landbúnaðarnefnd

210. fundur 29. maí 2020 kl. 13:00 - 15:34 að Sæmundargötu 7a
Nefndarmenn
  • Jóhannes H Ríkharðsson aðalm.
  • Jóel Þór Árnason aðalm.
  • Valdimar Óskar Sigmarsson aðalm.
  • Jón Sigurjónsson áheyrnarftr.
Starfsmenn
  • Arnór Gunnarsson starfsmaður landbúnaðarnefndar
  • Friðrik Margeir Friðriksson sviðsstjóri stjórnsýslu- og fjármálasviðs
Fundargerð ritaði: Margeir Friðriksson sviðsstjóri stjórnsýslu- og fjálmálasviðs
Dagskrá

1.Endurnýjun girðingar á milli Tungu og Kálfárdals

2005189

Lagður fram tölvupóstur dagsettur 20. maí 2020 frá Andrési H. Helgasyni bónda í Tungu, varðandi endurnýjun girðingar á milli Tungu og Kálfárdals. Andrés kom á fundinn til að fylgja erindi sínu eftir.
Landbúnaðarnefnd samþykkir að taka þátt í endurnýjun girðingarinnar samkvæmt girðingalögum og framkvæmdin verði á höndum Andrésar Helgasonar.

2.Áætlun um refaveiðar 2020-2022

2003081

Lagður fram samningur milli Umhverfisstofnunar og Sveitarfélagsins Skagafjarðar um refaveiðar árin 2020 til 2022 ásamt áætlun sveitarfélagsins um veiði tímabilsins.
Landbúnaðarnefnd samþykkir framlagðan samning og mun halda kynningarfund með ráðnum veiðimönnum sveitarfélagsins þann 15. júní n.k.

3.Refa- og minkaveiðar 2020

2002193

Landbúnaðarnefnd fór yfir áætlun að úthlutun veiðikvóta til minka- og refaveiðimanna árið 2020.
Landbúnaðarnefnd samþykkir framlagða áætlun.

4.Minkaveiði við umhverfi Kolku og Hjaltadalsár

2003009

Lagður fram tölvupóstur dagsettur 2. mars 2020 frá Jóni Árna Friðjónssyni formanni veiðifélags Kolku og Hjaltadalsár varðandi minkaveiði í Hjaltadal.
Landbúnaðarnefnd samþykkir að fela starfsmanni nefndarinnar að kanna hvort hægt sé að fá sama veiðimanninn til að sinna öllu vatnasvæði veiðifélagsins.

5.Ósk um kaup á landi norðan við Árhól

2004138

Lagt fram erindi sem vísað var frá 914. fundi byggðarráðs til umsagnar. Lagður fram tölvupóstur dagsettur 16. apríl 2020 frá Valdísi Hálfdánardóttur og Rúnari Þór Númasyni þar sem þau óska eftir að kaupa eða nýta landspildu sem er norðan við Árhólsland.
Landbúnaðarnefnd leggst gegn því að landið verði selt en gerir ekki athugasemdir við að það verði leigt til landbúnaðarnota.

6.Kortlagning beitilanda sauðfjár

2003202

Lagður fram tölvupóstur dagsettur 19. mars 2020 frá Landgræðslunni. Stofnunin er að vinna ástandsmat gróðurs og jarðvegs á öllu Íslandi byggð á fyrirliggjandi gögnum. Einnig er verið að kortleggja þau svæði sem eru nýtt fyrir sauðfjárbeit og þau svæði sem ekki geta flokkast sem beitilönd. Óskað er eftir athugasemdum ef einhverjar eru.
Landbúnaðarnefnd samþykkir að fela starfsmanni nefndarinnar að senda erindið áfram til fjallskilastjóra og leggja þeim fyrir að gera athugasemdir við Landgræðsluna ef við á.

7.Fjallskilasamþykkt fyrir Skagafjarðarsýslu frá 2017

1912073

Lagt fram afrit af bréfi til Atvinnuvega- og nýsköpunarráðuneytis frá Bændasamtökum Íslands, dagsett 18. maí 2020 varðandi umsögn um fjallskilasamþykkt Skagafjarðar.
Landbúnaðarnefnd samþykkir að fela Jóhannesi H. Ríkharðssyni og Valdimar Sigmarssyni að fara yfir athugasemdirnar ásamt fulltrúa Akrahrepps.

8.Sveitarfélagið Skagafjörður - skilaréttir

1908042

Viðhald skilarétta rætt og samþykkt að forgangsraða uppbyggingu og viðhaldi skilarétta í Skagafirði.

9.Ársreikningur 2019 Fjallsk.sjóður Hegraness

2004191

Lagður fram til kynningar ársreikningur fjallskilasjóðs Hegraness fyrir árið 2019.

10.Ársreikningur 2019 Fjallsk.sjóður Sauðárkróks

2004192

Lagður fram til kynningar ársreikningur fjallskilasjóðs Sauðárkróks fyrir árið 2019.

11.Til upplýsinga vegna heimsfaraldurs kórónaveiru

2002282

Lagður fram til kynningar tölvupóstur dagsettur 3. mars 2020 frá Umhverfisstofnun varðandi meðhöndlun úrgangs og smithættu af úrgangi vegna heimsfaraldurs COVID-19.

Fundi slitið - kl. 15:34.