Landbúnaðarnefnd

171. fundur 27. janúar 2014 kl. 11:00 - 12:42 í Ráðhúsi, Skr.
Nefndarmenn
  • Ingi Björn Árnason formaður
  • Valdimar Óskar Sigmarsson varaform.
  • Haraldur Þór Jóhannsson ritari
  • Guðrún Helgadóttir áheyrnarftr.
  • Guðný Herdís Kjartansdóttir áheyrnarftr.
Starfsmenn
  • Arnór Gunnarsson starfsmaður landbúnaðarnefndar
  • Friðrik Margeir Friðriksson sviðsstjóri stjórnsýslu- og fjármálasviðs
Fundargerð ritaði: Margeir Friðriksson sviðsstjóri stjórnsýslu- og fjármálasviðs
Dagskrá

1.Uppsögn fjallskilanefndar

1401113

Lagt fram bréf frá fjallskilanefnd Hofsóss og Unadals þar sem nefndin segir af sér. Nefndarmenn, Bjarni Þórisson, Guðrún Þorvaldsdóttir og Jónas Einarsson komu á fundinn til viðræðu undir þessum dagskrárlið.
Landbúnaðarnefnd tekur afsögn nefndarinnar til greina og þakkar þeim vel unnin störf.
Landbúnaðarnefnd samþykkir að fela starfsmanni sínum, Arnóri Gunnarssyni, umsjón með afréttarmálum út kjörtímabilið.

2.Fyrirspurn vegna umferðar um Unadalsafrétt

1307119

Lagt fram bréf frá Birgi Frey Þorleifssyni, þar sem hann óskar eftir svari um hvort Unadalsafrétt sé opin fyrir skipulögðum hestaferðum ferðaþjónustuaðila.
Landbúnaðarnefnd telur sig ekki hafa heimild til að stöðva umferð um afrétt, svo fremi að hún valdi ekki óþarfa ónæði og raski sbr. fjallskilareglugerð Skagafjarðar.

3.Lóðarleigusamningur - Mælifellsrétt

1401207

Lagður fram lóðarleigusamningur um land við Mælifellsrétt frá 3. júní 1998, milli Indriða Sigurjónssonar og fyrrum Lýtingsstaðahrepps.
Landbúnaðarnefnd leggur til að sveitarstjóra verði falið að fara í viðræður við landeiganda um breytingu á samningnum vegna fyrirhugaðara framkvæmda við réttina.

4.Samþykkt um búfjárhald í Sveitarfélaginu Skagafirði

1307096

Samþykkt að fresta afgreiðslu málsins.

5.Sauðárkróksrétt

1401245

Lagt fram til kynningar erindi frá fjallskilastjóra Sauðárkróks varðandi viðhald Sauðárkróksréttar.

Fundi slitið - kl. 12:42.