Fræðslunefnd

43. fundur 16. október 2008 kl. 17:00 - 18:30 í Ráðhúsinu, Sauðárkróki
Nefndarmenn
  • Sigurður Árnason formaður
  • Helgi Þór Thorarensen varaform.
  • Sigríður Svavarsdóttir aðalm.
  • Úlfar Sveinsson áheyrnarftr. VG
  • Herdís Á Sæmundardóttir fræðslustjóri
  • Konráð Gíslason áheyrnarftr. grunnskóla
  • Kolbrún María Sæmundsdóttir áheyrnarftr. foreldra
  • Sveinn Sigurbjörnsson áheyrnarftr. Tónl.skóla
  • Steinunn Ragnh Arnljótsdóttir leikskólastjóri
Fundargerð ritaði: Herdís Á. Sæmundardóttir fræðslustjóri
Dagskrá

1.Endurskoðun fjárhagsáætlunar 2008. Leikskólar

0810041

Fræðslustjóri lagði fram yfirlit yfir breytingar á fjárhagsáætlun ársins varðandi leikskóla. Um litlar breytingar er að ræða frá fjárhagsáætlun.

2.Upplýsingaöflun úr sakaskrá - ráðningarmál

0810012

Kynntar leiðbeiningar um ráðningar frá Sambandi sveitarfélaga vegna breytinga á lögum um leikskóla frá því sl.vor sem kveða á um að ekki megi ráða einstaklinga til starfa sem hlotið hafi refsidóm fyrir kynferðisbrot og tillögur um hvernig sveitarfélög eigi að bera sig að vegna þessa.
Eftir þennan lið vék Steinunn Arnljótsdóttir af fundi

3.Endurskoðun fjárhagsáætlunar 2008. Grunnskólar

0810041

Fræðslustjóri lagði fram yfirlit yfir breytingar á fjárhagsáætlun ársins varðandi grunnskóla. Samtals er um að ræða hækkun að upphæð 40.740 þús. kr. sem að langmestu leyti skýrast af hækkunum í kjarasamningum grunnskólakennara og hækkun á kostnaði við skólaakstur.

4.Verðlagning skólamáltíða

0810042

Lagt fram til kynningar álit Sambands sveitarfélaga um verðlagningu skólamáltíða.

5.Kynning á starfi í kjölfar sameiningar Grunnskólans austan Vatna

0810045

Lagt fram erindi frá Grunnskólanum austan Vatna þar sem farið er yfir þær breytingar sem orðið hafa á skólastarfinu eftir sameiningu skólanna. Í erindinu er einnig farið fram á fjölgun stöðugilda við skólann. Erindinu vísað til gerðar fjárhagsáætlunar. Undir þessum lið var einnig lögð fram til kynningar skólanámskrá skólans fyrir líðandi skólaár.

6.Grunnskólinn Hofsósi - Brunavarnir skýrsla v.endurbóta

0810007

Fræðslustjóri kynnti erindi vegna brunavarna í Grunnskólanum austan Vatna.

7.Endurskoðun fjárhagsáætlunar 2008. Tónlistarskóli

0810041

Fræðslustjóri lagði fram yfirlit yfir breytingar á fjárhagsáætlun varðandi Tónlistarskóla. Breytingin felst í því að tekjur hækka um 3,5 milljónir kr. sem skýrast af 3 milljón kr. hærri endurgreiðslu Akrahrepps og 0,5 milljón kr. hærri tekjum af skólagjöldum.

8.Kostnaður vegna tónlistarnemenda úr Skagafirði.

0808004

Lagt fram erindi frá Tónlistarskóla Akureyrar þar sem farið er fram á að sveitarfélagið greiði hluta námskostnaðar þriggja nemenda með lögheimili í Sveitarfélaginu Skagafirði. Með vísan í samþykkt sveitarstjórnar frá 4.september 2007 lagði formaður til að erindinu væri hafnað. Samþykkt með tveimur atkvæðum.

9.Samþykkt v. velferðarþjónustu íbúa á tímun umróts og öryggisleysis

0810028

Fræðslustjóri kynnti samþykkt stjórnar Sambands íslenskra sveitarfélaga um velferðarþjónustu á tímum umróts og öryggisleysis.

Fundi slitið - kl. 18:30.