Fræðslunefnd

37. fundur 11. apríl 2008 kl. 15:00 - 16:50 í Ráðhúsinu
Nefndarmenn
  • Sigurður Árnason formaður
  • Helgi Þór Thorarensen varaformaður
  • Sigríður Svavarsdóttir aðalmaður
  • Sigríður Garðarsdóttir aðalm. f. Akrahrepp
  • Rúnar Vífilsson fræðslustjóri
  • Úlfar Sveinsson áheyrnarfulltrúi
  • Óskar Guðvin Björnsson skólastjóri
  • Kolbrún María Sæmundsdóttir áheyrnarftr. foreldra
Fundargerð ritaði: Rúnar Vífilsson fræðslustjóri
Dagskrá

1.Skóladagatöl grunnskóla 2008-2009

0804027

Drög að skóladagatölum grunnskólanna lögð fram til kynningar.

2.Staða aðstoðarskólastjóra Varmahlíðarskóla

0804028

Lagt fram erindi frá skólastjóra Varmahlíðarskóla dags. 14. mars 2008, þar sem farið er fram á að skólinn fái að auglýsa stöðu aðstoðarskólastjóra við skólann í stað stöðu deildarstjóra sem jafnframt var staðgengill skólastjóra og ráðinn var til eins árs sl. haust. Fræðslunefnd samþykkir erindið en kostnaðarauki rúmist innan fjárhagsáætlunar skólans.

3.Lögverndun á starfsheiti og -réttindum kennara og skólastjóra

0804009

Lagt fram til kynningar bréf frá Menntamálaráðuneytinu dags. 27. mars 2008, þar sem sveitarstjórnir eru minntar á að óheimilt sé að ráða aðra til kennarastarfa en þá sem framvísað geta leyfisbréfi menntamálaráðuneytis eða sem undanþágunefnd grunnskóla eða menntamálaráðuneyti hefur fallist á að ráðnir verði til kennarastarfa.

4.Úttekt á sjálfsmatsaðferðum í grunnskólum 2007

0804029

Lögð fram til kynningar fréttatilkynning frá Menntamálaráðuneytinu þar sem skýrt var frá niðurstöðum úttektar á sjálfsmatsaðferðum grunnskóla í Reykjavík og á Norðurlandi eystra. Í fyrsta skipti eru allir skólar nafngreindir og árangur þeirra eða staða.

5.Söngskóli Alexöndru

0803042

Söngskóli Alexöndru. Fræðslunefnd samþykkir að styrkja Söngskóla Alexöndru á vorönn 2008 vegna þeirra nemenda sem innritast höfðu í söngnám í Tónlistarskóla Skagafjarðar sl. haust en voru við nám í Söngskólanum á vorönn og eru með lögheimili i Sveitarfélaginu Skagafirði. Tíu eru í fullu námi og fjórir í hálfu námi og verður mánaðarlegur styrkur miðaður við þennan nemendafjölda kr.299.863. Málinu vísað til Byggðaráðs þar sem að fjárheimildir eru ekki til staðar á málaflokki 04.Fræðslunefnd samþykkir erindið með tveimur atkvæðum gegn einu. Fulltrúi Vinstri grænna tekur ekki afstöðu til málsins.

Fundi slitið - kl. 16:50.