Fræðslunefnd

62. fundur 13. október 2010 kl. 14:30 - 16:00 í Ráðhúsi, Skr.
Nefndarmenn
  • Bjarki Tryggvason formaður
  • Jenný Inga Eiðsdóttir varaform.
  • Sigríður Svavarsdóttir ritari
  • Sigríður Garðarsdóttir fulltrúi Akrahrepps
  • Herdís Á Sæmundardóttir fræðslustjóri
  • Anna Jóna Guðmundsdóttir leikskólastjóri
  • Guðni Kristjánsson áheyrnarftr.
  • Jón Ingi Halldórsson áheyrnarftr.
  • Konráð Gíslason áheyrnarftr. grunnsk.kennara
  • Bryndís Bjarnadóttir áheyrnarftr. grunnsk.kennara
Fundargerð ritaði: Herdís Á Sæmundardóttir fræðslustjóri
Dagskrá

1.Erindi vegna Bangsabæjar

1009163

Lagt fram erindi frá foreldrum í Fljótum þar sem óskað er eftir leikskólinn verði opinn 5 daga í viku en ekki 4 daga eins og nú er. Erindi þetta kom til umfjöllunar á síðasta ári, en þá var ákveðið að lengja opnunartímann þessa 4 daga um eina klukkustund en ekki fjölga dögum. Fræðslunefnd samþykkir að fresta afgreiðslu málsins þar til séð verður hver fjárhagsrammi málaflokksins verður við komandi fjárhagsáætlunargerð fyrir árið 2011.

2.Formleg afhending nýja leikskólans

1010075

Ráðgert er að opna nýja leikskólann formlega þann 23. október n.k.

3.Ósk um að ráða stuðningsfulltrúa í 50% starf við G.a.V., Hofsósi

1010074

Skólastjóri Grunnskólans austan Vatna hefur óskað eftir að fá að ráða stuðningsfulltrúa í 50% starf vegna aukinnar stuðningsþarfar. Fræðslunefnd samþykkir að heimila að ráðinn verði starfsmaður í allt að 50% starf í samráði við sálfræðing og sérkennslufulltrúa sveitarfélagsins.

4.Fjöldi nemenda Tónlistarskóla Skagafjarðar 2010-2011

1010084

Lagðar fram upplýsingar frá Tónlistarskóla Skagafjarðar um nemendafjölda. Samkvæmt þeim fækkar nemendum um u.þ.b. 50 á milli ára. Fræðslunefnd óskar eftir frekari upplýsingum um aldursskiptingu nemenda milli ára. Samþykkt að auglýsa lausa tíma í tónlistarnámi.

5.Rekstur fræðslumála 10.10.10

1010098

Lagt fram yfirlit yfir rekstur málaflokks 04, fræðslumála. Rekstur málaflokksins er innan marka fjárhagsáætlunar m.v. 10. október 2010

6.Úttektir á leik- og grunnskólum

1008322

Lagt fram bréf frá mennta- og menningarmálaráðuneytinu, þar sem tilkynnt er að Árskóli sé meðal þeirra þriggja grunnskóla sem valdir hafa verið til ytri úttektar. 38 umsóknir frá 17 sveitarfélögum bárust um úttekt sem fara á fram á tímabilinu október til desember.

7.Velferðarvaktin

1009038

Lagt fram til kynningar bréf frá Velferðarvaktinni (félags- og tryggingamálaráðuneytinu), þar sem því er beint til sveitarstjórna og skólanefnda að huga sérstaklega að líðan barna í upphafi skólaárs. Sérstaklega er tekið fram að kostnaði við kaup á skólavörum og þátttöku í frístundastarfi sé haldið í lágmarki og tryggt að kostnaður heimilanna vegna skólastarfs hindri í engu þátttöku barna í leik og starfi.

8.Beiðni um styrk

1009127

Lagt fram erindi frá Íþróttasambandi lögreglumanna þar sem farið er fram á styrk vegna útgáfu bæklings sem inniheldur fræðsluefni um umferðarmál og er ætlaður 6 ára börnum. Óskað er eftir 30.000 króna framlagi sveitarfélagsins vegna þessa. Fræðslunefnd samþykkir að verða ekki við beiðninni.

Fundi slitið - kl. 16:00.