Fræðslunefnd

103. fundur 15. maí 2015 kl. 14:00 - 16:10 í Ráðhúsi, Skr.
Nefndarmenn
  • Þórdís Friðbjörnsdóttir formaður
  • Guðný Hólmfríður Axelsdóttir varaform.
  • Sigurjón Þórðarson ritari
  • Björg Baldursdóttir áheyrnarftr.
  • Sigríður Garðarsdóttir fulltrúi Akrahrepps
  • Broddi Reyr Hansen áheyrnarftr. foreldra leiksk.barna
  • Jóhanna Sveinbjörg Traustadóttir áheyrnarftr. grunnsk.kennara
Starfsmenn
  • Herdís Á. Sæmundardóttir sviðsstjóri fjölskyldusviðs
  • Óskar G. Björnsson grunnskólastjóri
  • Sveinn Sigurbjörnsson skólastjóri
  • Steinunn Ragnheiður Arnljótsdóttir leikskólastjóri
  • Rúnar Vífilsson verkefnastjóri
Fundargerð ritaði: Herdís Á Sæmundardóttir fræðslustjóri
Dagskrá
Ingileif Oddsdóttir og Þorkell Þorsteinsson sátu fundinn undir lið 1. Steinunn Arnljóstsdóttir og Broddi Reyr Hansen, fulltrúar leikskólanna, sátu fundinn undir lið 2, Óskar G. Björnsson sat fundinn undir liðum 3-5, Ingvi Hrannar Ómarsson sat fundinn undir lið 5 og Sveinn Sigurbjörnsson sat fundinn undir lið 6.

1.FNV - fjöldi nemenda úr Skagafirði

1504280

Fulltrúar FNV, þau Ingileif Oddsdóttir, skólameistari og Þorkell Þorsteinsson, aðstoðarskólameistari komu á fundinn og ræddu áhuga sinn á aukið samstarfi við sveitarfélagið um kynningarmál. Nefndin tekur undir sjónarmið um mikilvægi þess að efla FNV og stuðla að fjölgun nemenda við skólann.

2.Sumarlokun leikskóla í Skagafirði 2015

1411251

Með tilliti til niðurstaðna könnunar um þörf fyrir lengri opnunartíma í Tröllaborg og í Birkilundi, sem leikskólastjórar framkvæmdu, þykir ekki þörf á að stytta lokun þessara leikskóla sumarið 2015.
Jafnframt var samþykkt tillaga um að leikskólarnir hafi 56 dagvinnutíma til ráðstöfunar vegna faglegs starfs, starfsmannafunda o.þ.h. og mega þá loka á meðan. Tekið er fram að ekki er um aukningu á tímafjölda að ræða, heldur er verið að skilgreina betur hvernig þessum tímum skuli ráðstafað.

3.Kennslukvóti grunnskólanna 2015-2016

1504169

Lögð fram tillaga að kennslukvóta til grunnskólanna skólaárið 2015-2016. Nefndin samþykkir tillöguna.

4.Umsýsla með undanþágunefnd grunnskóla

1501267

Lögð fram tilkynning frá mennta- og menningarmálaráðuneytinu um að umsýsla Undanþágunefndar flytjist til Námsmatsstofnunar.

5.Upplýsingatæknimál grunnskóla

1505087

Óskar G. Björnsson, skólastjóri Árskóla og Ingvi Hrannar, kennsluráðgjafi í upplýsingatækni, fóru yfir stöðu mála vegna upplýsingatæknivæðingu grunnskólanna. Þeir ræddu einnig leið sem Árskóli vill fara í þessari væðingu. Ekki liggur enn fyrir hvaða fyrirkomulag Varmahlíðarskóli og Grunnskólinn austan Vatna vilja tileinka sér. Málinu frestað.

6.Starfsemi tónlistarskóla 2015-2016

1505085

Lagt er til að auglýst verði eftir kennara í strengjadeild í 100% starf og píanókennara í 70% starf sem vegna kennslu austan Vatna. Þetta mun ekki hafa í för með sér fjölgun stöðugilda. Nefndin samþykkir tillöguna.

Fundi slitið - kl. 16:10.