Fræðslunefnd

71. fundur 14. september 2011 kl. 15:00 - 16:15 í Ráðhúsi, Skr.
Nefndarmenn
  • Bjarki Tryggvason formaður
  • Sigríður Svavarsdóttir ritari
  • Sigríður Garðarsdóttir fulltrúi Akrahrepps
  • Jón Ingi Halldórsson áheyrnarftr.
  • Guðni Kristjánsson áheyrnarftr.
  • Úlfar Sveinsson varam.
  • Herdís Á. Sæmundardóttir fræðslustjóri
  • Anna Jóna Guðmundsdóttir leikskólastjóri
  • Óskar G. Björnsson grunnskólastjóri
  • Sveinn Sigurbjörnsson skólastjóri
  • Bryndís Bjarnadóttir áheyrnarftr. grunnsk.kennara
  • Konráð Gíslason áheyrnarftr. grunnsk.kennara
Fundargerð ritaði: Herdís Á Sæmundardóttir fræðslustjóri
Dagskrá

1.Aðalnámskrá leikskóla 2011

1109078

Aðalnámskrá leikskóla 2011 lögð fram til kynningar.

2.Leikskólar-gjaldskrár-reglur

1109083

Skýrsla sem Samband íslenskra sveitarfélaga hefur unnið um innritunarreglur og gjaldskrár leikskóla lögð fram til kynningar.

3.Aðalnámskrá grunnskóla 2011

1109079

Aðalnámskrá grunnskóla 2011 lögð fram til kynningar.

4.Skólavogin

1102099

Formaður og fræðslustjóri sögðu frá kynningarfundi sem Samband íslenskra sveitarfélaga stóð fyrir um Skólavogina. Skólavogin er matstæki sem nota má til að meta tengsl fjárútláta, árangurs og gæða í skólastarfi. Kerfið er hannað í Kommuneforlaget sem er undirstofnun norska sveitarfélagasambandsins. Norsk yfirvöld hafa nú skyldað alla grunnskóla til að taka mælitæki þetta í notkun. Samband íslenskra sveitarfélaga beinir því til íslenskra sveitarfélaga að kanna áhuga á að taka upp þetta mælitæki svo auðvelda megi allan samanburð á milli skóla og sveitarfélaga. Ákvörðun sveitarfélaganna þarf að liggja fyrir þann 15. desember n.k.

5.Olweus - skólaárið 2011-2012

1109081

Fræðslustjóri kynnti drög að samningi um greiðslu grunnskóla vegna notkunar á hugmyndafræði og matskerfi Olweusaráætlunarinnar. Þar sem ákvörðun þessi barst eftir að skólar voru hafnir og þeir þegar farnir að vinna eftir áætluninni, var ákveðið að samþykkja samningsdrögin fyrir þetta skólaár. Fræðslunefnd beinir því jafnframt til grunnskólanna að skoða möguleika á að hanna eigið skagfirskt kerfi sem miðar að því að koma í veg fyrir einelti í stað Olweusaráætlunarinnar. Í því skyni verði leitað eftir samstarfi við aðra sem vinna að forvörnum, t.d. vinateymið.

6.Samkomulag Varmahlíðarskóla við Barnaverndarstofu

1109113

Fræðslustjóri kynnti samkomulag Varmahlíðarskóla og Barnaverndarstofu um utanumhald um nám þeirra barna sem dvelja í Háholti.

7.Aðstaða fyrir fatlaða í Varmahlíðaskóla

1109120

Fræðslustjóri kynnti ósk skólastjóra Varmahlíðarskóla um kaup á sérútbúnu borði fyrir fatlað barn í skólanum. Fræðslunefnd leggur til við byggðarráð að beiðni þessi verði samþykkt. Kostnaður þessi er um það bil 300.000.-

8.Innritun í tónlistarskóla skólaárið 2011-2012

1109112

Fræðslustjóri og skólastjóri tónlistarskólans kynntu fjölda og aldursskiptingu nemenda í skólanum skólaárið 2011-2012. Alls eru innritaðir í skólann 249 nemendur en skólastjóri upplýsti að enn væri fólk að innritast.

9.Jafnréttisáætlun 2010-2014

1008033

Fræðslustjóri kynnti drög að jafnréttisáætlun fyrir sveitarfélagaði fyrir árin 2010-2014. Fræðslunefnd

fagnar metnaðarfullri vinnu félags- og tómstundarnefndar við gerð jafnréttisáætlunar og gerir ekki athugasemdir við fyrirliggjandi drög. Fræðslunefnd beinir því til stofnana fræðslusviðs að kynna sér áætlunina og bendir sérstaklega á kafla 2 í áætluninni sem fjallar um hlutverk skóla í eflingu fræðslu um jafnréttismál.

Fundi slitið - kl. 16:15.