Fræðslu- og menningarnefnd

58. fundur 08. mars 2006 kl. 16:00 - 17:14 Í Ráðhúsinu

Ár 2006, miðvikudaginn 8. mars kom Fræðslu- og menningarnefnd saman til fundar í Ráðhúsinu kl. 16:00.
Mætt: Gísli Árnason, Sigurður Árnason og Sigríður Svavarsdóttir.  Áheyrnarfulltrúar Björg Baldursdóttir, Sigríður Sveinsdóttir, Anna Stefánsdóttir og Svanhildur Guðmundsdóttir. Að auki sat fundinn Gunnar M. Sandholt sviðsstjóri sem ritaði fundargerð. 

Dagskrá:

Skólamál:

  1. Kjör varaformanns og ritara
  2. Gjaldskrá - samræming
  3. Erindi frá Jóni Hilmarssyni, dags 1. mars s.l. varðandi vinnu við skólastefnu sveitarfélagsins.
  4. Viðhorfskönnun -  niðurstöður
  5. Jafnréttisáætlun, erindi frá Félags- og tómstundanefnd dags. 10.2.2006
  6. Erindi frá Hólum varðandi sparkvelli, dags. 10.2.2006
  7. Önnur mál

Afgreiðslur:

  1. Formaður gerði tillögu um Sigríði Svavarsdóttur sem varaformann og ritara. Samþykkt.
  2. Fræðslunefnd samþykkir að systkinaafsláttur skuli virka milli vistunarúrræða þannig að foreldrar sem eiga t.d. börn á leikskóla, Árvist eða hjá dagmóður njóti systkinaafsláttar. Nefndin felur fræðslu- og íþróttafulltrúa að útfæra orðalag til breytinga á gjaldskrám og leggja fyrir næsta fund. Breytingar taki gildi 1. apríl n.k.
  3. Nefndin tekur jákvætt í erindið og ákveður að ræða útfærslu frekar við Jón Hilmarsson.
  4. Sviðsstjóri kynnir helstu niðurstöður könnunarinnar.
  5. Nefndin telur rétt að í jafnréttisáætlun verði kveðið á um aðgerðir til að jafna hlutfall kynja í starfsmannahaldi leikskóla.
  6. Erindið lagt fram til kynningar.
  7. Engin.

Lesið af skjávarpa og staðfest rétt bókað.

Fleira ekki gert, fundi slitið kl. 17:14