Félagsmálanefnd

83. fundur 12. nóvember 2001 kl. 15:00 - 16:55 Skrifstofa Skagafjarðar

Árið 2001, mánudaginn 12. nóvember - kom félagsmálanefnd saman til fundar á skrifstofu Skagafjarðar kl. 1500.

Mætt voru: Elinborg Hilmarsdóttir, Kristín Bjarnadóttir, Guðrún Sölvadóttir, Gréta Sjöfn Guðmundsdóttir og Ásdís Guðmundsdóttir.

Auk þeirra starfsmenn nefndar Elsa Jónsdóttir og Gunnar M. Sandholt. 

 

Dagskrá:

  1. Húsnæðismál.
  2. Trúnaðarmál.
  3. Jafnréttismál.
  4. Lögð fram tillaga félagsmálastjóra um framlag til verkefnisins “Hópastarf fyrir ungar stúlkur” ásamt bréfi dags. 7. nóvember frá leiðbeinendum í hópastarfinu.
  5. Lögð fram drög að endurnýjuðum samningi við Sigríði Sigurjónsdóttur, sálfræðing, varðandi fjölskyldu- og ráðgjafaviðtöl.
  6. Atvinna með stuðningi. Theodór Karlsson, þroskaþjálfi, kynnir starfsemi Félagsþjónustunnar í atvinnumálum fatlaðra.
  7. Staða fjárhagsáætlunar í lok október.
  8. Önnur mál.

 

Afgreiðslur:

1. Húsnæðismál.

  • Samþykkt leiga á Grenihlíð 26, n.h., sjá innritunarbók.
  • Samþykkt leiga á Jöklatúni 4, sjá innritunarbók.
  • Samþykkt leiga á Víðigrund 22, sjá innritunarbók.

Elsa vék af fundi.

2. Trúnaðarmál – Sjá trúnaðarbók.

3. Jafnréttismál.

Lögð fram tillaga formanns að bókun með tilmælum til stjórnmálaafla í Skagafirði varðandi hlut kvenna í komandi sveitarstjórnarkosningum.  Tillagan er eftirfarandi:

“Hinn 25. maí 2002 fara fram kosningar til sveitarstjórna á Íslandi.  Hlutur kvenna í sveitarstjórnum á landinu er aðeins 29% samkvæmt upplýsingum ráðherraskipaðrar nefndar um aukinn hlut kvenna í stjórnmálum.

Jafnræði kynjanna er meira í stjórn Sveitarfélagsins Skagafjarðar.  Hlutfall kynjanna í sveitarstjórn er nánast jafnt, 5 konur/6 karlar, og sömuleiðis í byggðaráði 3 konur/2 karlar. Þessum árangri ber að fagna og jafnframt minnt á að honum verður ekki við haldið nema bæði karlar og konur haldi vöku sinni þegar undirbúningur kosninga fer í hönd. Til dæmis er hlutur karla  nokkuð meiri séu varamenn í sveitarstjórn taldir með og ef litið er til fastanefnda.  Félagsmálanefnd beinir þess vegna tilmælum til allra stjórnmálaafla er huga að framboðsmálum í Skagafirði að taka til umræðu jafnrétti kynjanna í stjórnmálum og leita leiða til að tryggja sem jafnastan hlut kvenna og karla á þessum miklvæga vettvangi.

Nefndin vekur jafnframt athygli á að upp úr áramótum er fyrirhugað námskeið “Viltu láta til þín taka” – um hlut kvenna í stjórnmálum.  Nefndin óskar eftir að flokkarnir kynni námskeiðið innan sinna vébanda og taki þátt í því með virkum hætti þegar þar að kemur.”

Tillagan samþykkt samhljóða.

4. Félagsmálanefnd samþykkir að veita allt að 100.000 kr. styrk til hópstarfs með ungum stúlkum af gjaldalið 02-89-925.

5. Samningurinn samþykktur með fyrirvara um samþykki Byggðaráðs.

6. Theodór Karlsson, þroskaþjálfi, kynnir atvinnu með stuðningi.

7. Staða fjárhagsáætlunar í lok október 2001, lögð fram til kynningar.

8. Önnur mál engin.


Fleira ekki gert, fundi slitið kl. 16.55

Elinborg Hilmarsdóttir

Gréta Sjöfn Guðmundsdóttir

Guðrún Á. Sölvadóttir

Kristín Bjarnadóttir