Félags- og tómstundanefnd

141. fundur 28. apríl 2009 kl. 09:15 - 14:00 í Ráðhúsi, Skr.
Nefndarmenn
  • Sveinn Allan Morthens formaður
  • Þórdís Friðbjörnsdóttir varaform.
  • Sigríður Björnsdóttir aðalm.
  • Jenný Inga Eiðsdóttir áheyrnarftr. VG
  • Gunnar M Sandholt félagsmálastjóri
  • María Björk Ingvadóttir frístundastjóri
  • Sævar Pétursson íþróttafulltrúi
  • Ivano Tasin forstöðumaður Húss frítímans
Fundargerð ritaði: María Björk Ingvadóttir frístundastjóri, Gunnar Sandholt félagsmálastjóri
Dagskrá

1.Tilboð í gerð rafræns skráningarkerfis Sumar T.Í.M.

0903105

Forstöðumaður Húss frítímans kynnir tilboð frá STEFNU um gerð rafræns skráningakerfis. Félags-og tómstundanefnd samþykkir samningsdögin eins og þau eru fyrir lögð. Kostnaður verður gjaldfærður á málaflokk 06390.

2.Hús frítímans-umsókn í framkv.sjóð aldraðra

0903057

Félags-og tómstundanefnd fagnar úthlutun úr Framkvæmdasjóði aldraðra til Húss frítímans en ákveðið var að veita Húsinu styrk að upphæð kr. 16.340.000.-

3.Íþróttafulltrúi - vinnuaðstaða

0903023

Félags-og tómstundanefnd samþykkir fyrir sitt leyti að komið verði upp vinnuaðstöðu fyrir íþróttafulltrúa í íþróttahúsinu á Sauðárkróki enda er hann forstöðumaður hússins og gengur þar vaktir og leysir af. Kostnaður er áætlaður 300 þúsund krónur sem rúmast innan fjárhagsáætlunar íþróttahússins.

4.Umsjón með íþróttavellinum á Hofsósi

0811027

Félags-og tómstundanefnd samþykkir að veita 600 þúsund krónur til reksturs íþróttavallar á Hofsósi sumarið 2009 af gjaldalið 06620-09925

5.Umsókn um styrk til leikjanámskeiðs í Fljótum sumarið 2009

0904047

Félags-og tómstundanefnd samþykkir að veita foreldrafélagi barna í Fljótum 50 þúsund króna styrk til að halda tómstundanámskeið í sumar. Greiðslan verður innt af hendir þegar fyrir liggur skýrsla um starfið af gjaldalið 06390.

6.Hlíðarendi Golfvöllur - samn. um rekstur

0904038

Frístundastjóri kynnir tillögu að samningi milli stjórnar Golfklúbbs Sauðárkróks og Sveitarfélagsins um þátttöku í almennum rekstri klúbbsins og golfvallarins á Hlíðarenda árið 2009. Félags-og tómstundanefnd samþykkir að heildarupphæð samningsins nemi 3,0 milljónum króna í ár. Samþykkt að árlega liggi fyrir drög að nýjum samningi við gerð fjárhagsáætlunar í lok október.Formaður,Allan Morthens, vék af fundi við afgreiðslu þessa liðar.

7.Golfklúbbur - Íþróttavöllur, þjónustusamningur

0904039

Frístundastjóri kynnir tillögu að þjónustusamningi milli stjórnar Golfklúbbs Sauðárkróks um slátt og vélavinnu á íþróttaleikvanginum á Sauðárkróki vegna sumarsins 2009. Kostnaður við slátt nemur 1,2 milljónum auk áburðarkostnaðar.
Samþykkt að árlega liggi fyrir drög að nýjum samningi við gerð fjárhagsáætlunar í lok október. Formaður, Allan Morthens, vék af fundi við afgreiðslu þessa liðar.

8.Laun unglinga í Vinnuskóla Skagafjarðar 2009

0904032

Félags-og tómstundanefnd samþykkir fyrirlagðar tillögur um að tímalaun unglinga í Vinnskóla Skagafjarðar sumarið 2009 verði eftirfarandi og taki mið af launaflokki 116-3. þrepi:
7.bekkur 335,- 34% ( 2 vikur, 4 klst. á dag )
8.bekkur 385,- 39% (5 vikur, 6 klst. á dag)
9.bekkur 460,- 47% (7 vikur, 6 klst. á dag )
10.bekkur 550,- 56% ( 8 vikur, 6 klst. á dag )
Þar að auki leggur nefndin til að laun ungmenna fædd 1991 og 1992 sem ráðin verða til Sveitarfélagsins í sumarverkefni verði eftirfarandi og gildi um allar deildir sveitarfélagsins sem einnig tekur mið af launaflokki 116-3. þrepi :
árgangur 1992 640,-70%+orlof ( 8 vikur, 6 klst. á dag )
árgangur 1991 680,-74%+orlof ( 8 vikur, 6 klst. á dag )

9.Matjurtagarðar f. almenning til leigu

0904031

Félags-og tómstundanefnd leggur til að matjurtagarðar verði leigðir út til almennings þar sem skólagarðar hafa áður verið. Frístundastjóra falið að ganga frá málinu í samvinnu við sviðsstjóra tæknideildar og garðyrkjustjóra.

10.Fjárhagsaðstoð 2009 - trúnaðarmál

0903011

Afgreiddar 4 umsóknir.

11.Starfsumsókn

0904048

Um er að ræða umsókn starfsmanns á sambýli sem aflað hefur sér starfsréttinda sem þroskaþjálfi og óskar eftir ráðningu sem slíkur.
Það er í samræmi við stefnu sveitarfélagsins að fjölga faglærðu starfsfólki í málefnum fatlaðra, sbr. starfsáætlun fyrir árið 2009.
Félagsmálastjóra falið að ganga frá málinu í samræmi við starfsáætlun.

12.Beiðni um undanþágu 6. barn í dagvistun í heimahúsum 02-60-10

0904056

Skv. Reglugerð um daggæslu barna í heimahúsum nr. 907/2005 hefur félagsmálanefnd ekki heimild til að veita undanþágu frá hámarksfjölda barna. Erindinu synjað.

13.Dagvistun aldraðra sumarlokanir

0904057

Lagt fram bréf Elísabetar Pálmadóttur, forstöðumanns Dagvistar aldraðra, um sumarlokun 2009. Lokað verður í fjórar vikur í sumar, einnig verði lokað á föstudögum í júní, júlí og ágúst. Gripið verður til aðgerða til að koma til móts við notendur með aukinni þjónustu þá daga sem opið er til að skerðing þjónustu verði sem minnst.

Fundi slitið - kl. 14:00.