Félags- og tómstundanefnd

153. fundur 12. janúar 2010 kl. 09:00 - 12:20 í Ráðhúsi, Skr.
Nefndarmenn
  • Sveinn Allan Morthens formaður
  • Elinborg Hilmarsdóttir aðalm.
  • María Björk Ingvadóttir frístundastjóri
  • Sævar Pétursson íþróttafulltrúi
  • Ivano Tasin forstöðumaður Húss frítímans
  • Aðalbjörg Hallmundsdóttir félagsráðgjafi
Fundargerð ritaði: María Björk Ingvadóttir Frístundastjóri
Dagskrá

1.Skýrsla um forgangsröðun í uppbyggingu íþróttamannvirkja

0912069

Á fundinn mættu fulltrúar frá Bílaklúbbi Skagafjarðar, Íþróttafélaginu Grósku, Hestamannafélaginu Stíganda, Ungmennafélaginu Smára, Skotfélaginu Ósmann, Hofsbót- styrktarsjóði og Gullhyl. Forsvarsmenn gerðu nefndinni grein fyrir áherslum sínum í uppbyggingu mannvirkja, framtíðaráform og hugmyndir, hver í sínu félagi.

2.Íþróttahús við sundlaug - Hofsbót

0805090

Málinu var vísað til nefndarinnar frá Byggðaráði . Á fundinn komu fulltrúar Hofsbótar, styrktarsjóðs sem kynntu hugmyndir félagsins og hvöttu nefndina til að leggja félaginu til tvær milljónir til frekari undirbúnings framkvæmdarinnar.

3.EUF-styrkur, EUROINFOPOINT-HÚS FRÍTÍMANS

0912072

Ivano Tasin kynnir verkefnið Euro-infopoint sem hefur hlotið styrk frá Evrópu unga fólksins. Verkefninu er ætlað að auka möguleika ungs fólks til að taka þátt í Evrópuverkefnum, t.d. sjálfboðaliðaverkefnum erlendis. Einnig að styrkja nýbúa af erlendum uppruna til tómstundaiðkunar í Skagafirði.

4.Samningur vegna sjálfboðaþjónustu frá Evrópu unga fólksins

0911106

Fjölbrautaskóli, Rauði Krossinn og Kirkjan eru samstarfsaðilar verkefnisins og verður sérstök áhersla lögð á tengingu við nemendafélag FNV. Sóknarpresturinn á Sauðárkróki er ráðgjafi sjálfboðaliðanna. Sjálfboðaliðar koma frá Ungverjalandi og Serbíu og kynntu þeir sig fyrir nefndarfólki.

5.Samstarf um forkönnun

1001115

Málið kynnt og ákveðið að óska eftir frekari gögnum og málið tekið fyrir á næsta fundi.

6.Framlenging á leyfi til að starfa sem dagmamma

1001096

Samþykkt.

7.Umsókn um aukið daggæsluleyfi

1001082

Leyfið er veitt til vors.

Fundi slitið - kl. 12:20.