Félags- og tómstundanefnd

104. fundur 23. apríl 2007
 
Félags- og tómstundanefnd Skagafjarðar
Fundur  104 – 23.04.2007
 
Ár 2007, mánudaginn 23. apríl, var haldinn fundur í Félags- og tómstunda­nefnd Skagafjarðar og hófst hann kl. 17:00 í Ráðhúsinu.
Mættir voru: H. Vanda Sigurgeirsdóttir, Þórdís Friðbjörnsdóttir og Sigríður Björnsdóttir.
Af hálfu starfsmanna: Gunnar Sandholt og Rúnar Vífilsson.
Gunnar og Þórdís rituðu fundargerð
 
 
Drög að dagskrá:
  1. Skipulag íþróttamannvirkja á Sauðárkróki
  2. Styrkir til félagsstarfs eldri borgara - úthlutun
  3. Trúnaðarmál
  4. Önnur mál
 
Afgreiðslur
1.      Félags- og tómstundanefnd hefur fjallað um rekstur íþróttamannvirkja á Sauðárkróki og komist að þeirri niðurstöðu að rétt sé að sameina starfsemi íþróttahúss, sundlaugar og íþróttavallar í Íþróttamiðstöð á Sauðárkróki og undir stjórn eins forstöðumanns. Möguleiki verði á að fella önnur íþróttamannvirki á vegum sveitarfélagsins undir stjórn forstöðumannsins í framtíðinni. Sameining sem þessi mun hafa í för með sér nokkra hagræðingu, auk þess sem unnt verður að samnýta og mynda betri samfellu í starfsmannahaldi, ekki síst milli sumar- og vetrarstarfsemi.
Stefnt er að því að breytingin taki gildi 1. ágúst svo nýjum forstöðumanni gefist færi á að skipuleggja vetrarstarfið.
Gert er ráð fyrir að breyttur rekstur rúmist innan núverandi fjárhagsramma.
Félags- og tómstundanefnd samþykkir að gera tillögu til Byggðaráðs um stofnun Íþróttamiðstöðvar á Sauðárkróki.  Samþykkt samhljóða.
 
2.      Styrkir til félagsstarfs eldri borgara. Lagðar fram þrjár umsóknir og tillaga æskulýðs- og tómstundafulltrúa:
      Félag eldri borgara í Skagafirði                                    400.000 kr.
      Félag eldri borgara í Skagafirði, v. Löngumýrar              90.000 kr.
      Félag eldri borgara Hofshreppi, v. Hofsóss                  100.000 kr.
 
3.      Samþykkt 1 erindi í einu máli

 
Upplesið og staðfest rétt bókað. Fundi slitið kl: 17.45