Eyvindarstaðaheiði ehf.

22. júní 2015 kl. 13:00 - 14:30 Borgarmýri 1a, Sauðárkróki

Aðalfundur  Eyvindarstaðaheiði ehf.

 

Haldinn á skrifstofu KPMG Sauðárkróki 22. júní 2015 kl: 13:00

Aðalfundur - mættir voru: Valgerður Kjartansdóttir, Einar E. Einarsson, Smári Borgarsson, Tryggvi Jónsson og Jakob Sigurjónsson fyrir hönd Eyvindastaðarheiðar ehf, og Ásta Pálmadóttir, sveitarstjóri fyrir Sveitarfélagið Skagafjörð og Þorleifur Ingvarsson, oddviti Húnavatnshrepps.  Einnig sat fundinn Kristján Jónasson endurskoðandi frá KPMG.

 

Dagskrá:

  1. Skýrsla stjórnar
  2. Ársreikningur 2014
  3. Meðferð rekstarhagnaðar 2014
  4. Kostningar
  5. Þóknun til stjórnar
  6. Kostning endurskoðenda
  7. Önnur mál

 

Valgerður setti fund og bauð fundarmenn velkomna.  Samþykkt samhljóða að Kristján Jónsson væri fundarstjóri og Einar E Einarsson, ritari.

 

  1. 1.     Skýrsla stjórnar

Valgerður gerði grein fyrir þeim verkefnum sem unnið var að á síðasta ári í viðhaldi girðinga og vega.  Hæst ber ákvörðun stjórnar um að fjarlæga svokallaða Blöndugirðingu sem liggur með Blöndu frá Blöndulóni að Seyðisá, en sú ákvörðun var tekinn að höfðu formlegu samráði við stjórn Upprekstarfélags Eyvindastaðarheiðar.

 

  1. 2.     Ársreikningur 2014

Kristján Jónasson gerði grein fyrir niðurstöðum ársreiknings 2014.  Hagnaður varð af rekstri félagsins á árinu 2014 að fjárhæð 322.000 kr samkvæmt rekstarreikningi.  Eigið fé félagsins nam í árslok 39.899.000 kr samkvæmt efnahagsreikningi , þar af nam hlutafé félagsins 510.000 kr.  Í skýringu nr. 7 kemur einnig fram að hagnaður hefur minnkað mikið síðustu 4 árin, fyrst og fremst vegna lægri vaxtartekna.

 

  1. 3.     Meðferð rekstarhagnaðar 2014

Samþykkt að flytja hagnað ársins 2014 til hækkunar á eigin fé.  Enginn arður verður greiddur út.

 

  1. 4.     Kosningar

Samkvæmt ákvörðun Sveitarstjórnar Skagafjarðar munu Valgerður Kjartansdóttir, Smári Borgarsson og Einar E Einarsson sitja í stjórn fyrir hönd Svf. Skagafjarðar og samkvæmt ákvörðun Húnavatnshrepps munu Tryggvi Jónsson og Jakob Sigurjónsson verða í stjórn fyrir hönd Húnavatnshrepps.  Skipunin gildir til 4 ára nema sveitarstjórnir sveitarfélaganna ákvarði annað.  Enginn varastjórn er skipuð.

 

  1. 5.     Þóknun til stjórnar

Samþykkt að áfram gildi sömu reglur og verið hafa um greiðslur til nefndarmanna hjá Sveitarfélaginu Skagafirði.  Samkvæmt núgildandi skrá um nefndarlaun er nefndarformaður með 3% af þingfarakaupi fyrir hvern setinn fund eða 19.543 kr og nefndarmaður með 2% fyrir hvern setinn fund eða 13.029 kr.

 

  1. 6.     Kostning endurskoðenda

Samþykkt samhljóða að kjósa Kristján Jónasson hjá KPMG sem endurskoðenda Eyvindastaðarheiðar ehf.

 

  1. 7.     Önnur mál

a)      Skuldabréf Upprekstarfélags Eyvindastaðarheiðar (UE).

Rætt um skuld UE við Eyvindarstaðarheiði ehf., en þeim voru lánaðir peningar til endurbóta á Galtaráskála en ekkert hefur verið greitt til baka af því láni.  Jafnframt rætt um rekstarfyrirkomulag og framtíð skálanna sem eru á Eyvindarstaðarheiði og velt upp spurningunni hvað sveitarfélögin vilji sjálf gera við þessa skála.  Lagt til að fulltrúar sveitarfélaganna, Ásta Pálmadóttir og Þorleifur Ingvarsson sem fulltrúar eigenda skálanna taki málið upp innan sveitarfélaganna og geri tillögu um framtíðar skipulag og rekstarform þeirra í samráði við núverandi rekstaraðila.

b)     Jakob ræddi um að byrjaðar væru hestaferðir um Kiðaskarð en vegurinn þar samt varla orðinn fær og þolir því mjög ílla umferð.  Málinu vísað til stjórnar en skoða þarf hvort ekki sé hægt að loka veginum fyrir umferð eins og öðrum hálendisvegum þar til færð leyfir.

Fleira ekki á dagskrá.

Fundi slitið 14:30

 

Valgerður Kjartansdóttir (sign)

Smári Borgarsson (sign)

Einar E Einarsson (sign)

Jakob Sigurjónsson (sign)

Kristján Jónsson (sign)

Ásta Pálmadóttir (sign)

Þorleifur Ingvarsson (sign)

Tryggvi Jónsson (sign)