Byggðarráð Skagafjarðar

526. fundur 26. ágúst 2010 kl. 08:00 - 08:58 í Ráðhúsi, Skr.
Nefndarmenn
  • Stefán Vagn Stefánsson formaður
  • Bjarni Jónsson varaform.
  • Jón Magnússon aðalm.
  • Sigurjón Þórðarson áheyrnarftr.
  • Guðmundur Guðlaugsson sveitarstjóri
  • Margeir Friðriksson sviðsstjóri stjórnsýslu- og fjármálasviðs
Fundargerð ritaði: Margeir Friðriksson sviðsstjóri stjórnsýslu- og fjármálasviðs
Dagskrá

1.Kjör fulltrúa á ársþing SSNV

1006100

Samkvæmt lögum SSNV á Sveitarfélagið Skagafjörður rétt á 12 fulltrúum á ársþingi SSNV 2010. Á eftir að tilnefna 12. fulltrúann.

Byggðarráð samþykkir að Guðmundur Guðlaugsson verði fulltrúi sveitarfélagsins á ársþingi SSNV 27.-28. ágúst 2010.

2.Ársþing SSNV 2010

1002222

Málefni á dagskrá ársþings SSNV 2010, 27.-28. ágúst nk. rædd.

3.Stækkun friðlandsins í Þjórsárverum

0912040

Lagður fram tölvupóstur frá Umhverfisstofnun, þar sem óskað er eftir tilnefningu fulltrúa Sveitarfélagsins Skagafjarðar í vinnuhóp um friðlýsingu Þjórsárvera.

Byggðarráð samþykkir að Sigríður Magnúsdóttir verði fulltrúi sveitarfélagsins í vinnuhópnum.

4.Sandspyrnukeppni í landi Garðs

1008205

Lagt fram erindi frá Bílaklúbbi Akureyrar þar sem sótt er um leyfi fyrir því að fá að halda sandspyrnukeppni í landi Garðs, laugardaginn 28. ágúst n.k. í samstarfi við Bílaklúbb Skagafjarðar. Keppnin er liður í Íslandsmóti Akstursíþróttanefndar ÍSÍ/LÍA. Fyrir liggur leyfi landeiganda, umsögn Akstursíþróttanefndar ÍSÍ/LÍA og trygging mótsins af hálfu Sjóvár.

Byggðarráð samþykkir mótshaldið fyrir sitt leyti, svo fremi að öll nauðsynleg leyfi séu fyrir hendi.

5.Mýrakot 146570 - Tilkynning um aðilaskipti að landi.

1008188

Lögð fram til kynningar tilkynning frá sýslumanninum á Sauðárkróki um sölu á jörðinni Mýrakoti, landnr. 146570. Seljandi er Ríkissjóður Íslands. Kaupandi er Ragnheiður Jónsdóttir.

6.Könnun á þjónustu sveitarfélaga við börn og barnafjölskyldur

1008143

Lagðar fram til kynningar upplýsingar úr könnun félags- og tryggingamálaráðuneytisins á þjónustu sveitarfélaga við börn og barnafjölskyldur. Félags- og tómstundanefnd tók málið fyrir á 162. fundi sínum.

Fundi slitið - kl. 08:58.