Byggðarráð Skagafjarðar

460. fundur 30. desember 2008 kl. 11:00 - 12:00 í Ráðhúsi, Skr.
Nefndarmenn
  • Gunnar Bragi Sveinsson formaður
  • Gréta Sjöfn Guðmundsdóttir varaform.
  • Páll Dagbjartsson aðalm.
  • Bjarni Jónsson áheyrnarftr. VG
  • Guðmundur Guðlaugsson sveitarstjóri
  • Margeir Friðriksson sviðsstjóri stjórnsýslu- og fjármálasviðs
Fundargerð ritaði: Margeir Friðriksson sviðsstjóri stjórnsýslu- og fjármálasviðs
Dagskrá

1.Heilbrigðisstofnunin Sauðárkróki - breytingar

0812088

Á fund byggðarráðs komu fulltrúar Heilbrigðisstofnunarinnar Sauðárkróki til viðræðu um málefni stofnunarinnar með tilliti til hugmynda um sameiningar heilbrigðisstofnana á Norðurlandi.
Byggðarráð samþykkir að óska eftir viðrðæðum við heilbrigðisráðherra um yfirtöku Sveitarfélagsins Skagafjarðar á rekstri Heilbrigðisstofnunarinnar Sauðárkróki.

2.Háskólinn á Hólum - staða og stefna

0802102

Samkvæmt fjárlagafrumvarpi ríkisstjórnarinnar er ekki gert ráð fyrir hækkun á fjárhagsramma Háskólans á Hólum þrátt fyrir að viðurkennd hafi verið aukin fjárþörf upp á allt að 115 milljónir króna. Byggðarráð telur nauðsynlegt að skoða hvort unnt sé að tryggja áframhaldandi rekstur og vöxt skólans eins og tillögur hafa verið gerðar um.
Byggðarráð samþykkir að fela sveitartjóra og formanni byggðarráðs að vinna að málinu.

Fundi slitið - kl. 12:00.