Byggðarráð Skagafjarðar

991. fundur 24. nóvember 2021 kl. 14:00 - 16:05 að Sæmundargötu 7a
Nefndarmenn
  • Gísli Sigurðsson formaður
  • Stefán Vagn Stefánsson varaform.
  • Ólafur Bjarni Haraldsson aðalm.
  • Álfhildur Leifsdóttir áheyrnarftr.
Starfsmenn
  • Friðrik Margeir Friðriksson sviðsstjóri stjórnsýslu- og fjármálasviðs
  • Sigfús Ingi Sigfússon sveitarstjóri
Fundargerð ritaði: Margeir Friðriksson sviðsstjóri stjórnsýslu- og fjármálasviðs
Dagskrá
Stefán Vagn Stefánsson og Ólafur Bjarni Haraldsson tóku þátt í fundinum með fjarfundabúnaði.
Í upphafi fundar var samþykkt samhljóða að taka mál 2111210 á dagskrá með afbrigðum.

1.Framkvæmd þjónustusamnings á milli Akrahrepps og Sveitarfélagsins Skagafjarðar 2021

2111188

Undir þessum dagskrárlið sátu fulltrúar úr hreppsnefnd Akrahrepps fundinn. Fulltrúar VA arkitekta tóku þátt í fundinum í gegnum fjarfundabúnað á meðan hönnun breytingum Varmahlíðarskóla var kynnt. Lagður fram listi yfir ýmsar áætlaðar framkvæmdir í Skagafirði næstu árin þar sem Akrahreppur og Sveitarfélagið Skagafjörður koma að með fjármagn.

2.Tillaga um slit félags

2111189

Lagt fram bréf dagsett 10. nóvember 2021 frá stjórn Mótunar ehf. varðandi tillögu stjórnar um að slíta félaginu. Félagið hefur ekki verið með neina starfsemi um nokkurra ára skeið. Óskar stjórnin eftir því við eigendur, Kaupfélag Skagfirðinga og Sveitarfélagið Skagafjörð, einu kröfuhafa félagsins, að afskrifa viðskiptakröfur á félagið úr bókum sínum svo slit verði framkvæmanleg.
Gísli Sigurðsson vék af fundi við afgreiðslu þessa dagskrárliðar.
Álfhildur Leifsdóttir óskar bókað að hún sitji hjá við afgreiðslu málsins.
Byggðarráð samþykkir að afskrifa viðskiptakröfu á Mótun ehf. að fjárhæð 23.000.000 kr.

3.Svæðisáætlun sveitarfélaga

2111190

Lagt fram bréf dagsett 15. nóvember 2021 frá Norðurá bs. þar sem stjórn Norðurár bs. óskar samþykkis aðildarsveitarfélaganna, að Norðurá bs. verði mótaðili Flokkunar Eyjafjörður ehf. við gerð svæðisáætlunar sem taki við af þeirri sem nú er í gildi fyrir tímabilið 2015-2026.
Byggðarráð samþykkir erindið fyrir sitt leiti.

4.Hross í Efri-Flóa við Hofsós

2111210

Byggðarráð samþykkir að beitarafnot í svokölluðum Efri-Flóa ofan Hofsóss verði bönnuð frá og með staðfestingu sveitarstjórnar á ákvörðuninni. Einnig er óskað eftir því að uppmælingu og hnitsetningu landsins austan Siglufjarðarvegar verði hraðað sem kostur er og það síðan auglýst til leigu.

5.Málefni bensínstöðvar N1 á Hofsósi

2002003

Lagðar fram til kynningar niðurstöður vöktunarferðar Verkís í október 2021, vegna vöktunar á rokgjörnum lífrænum efnum, eftir eldsneytisleka úr neðanjarðargeymi N1 á Hofsósi.

Fundi slitið - kl. 16:05.