Byggðarráð Skagafjarðar

984. fundur 07. október 2021 kl. 09:00 - 09:37 Hótel Nordica í Reykjavík
Nefndarmenn
  • Gísli Sigurðsson formaður
  • Stefán Vagn Stefánsson varaform.
  • Jóhanna Ey Harðardóttir varam.
  • Bjarni Jónsson áheyrnarftr.
Starfsmenn
  • Friðrik Margeir Friðriksson sviðsstjóri stjórnsýslu- og fjármálasviðs
  • Sigfús Ingi Sigfússon sveitarstjóri
Fundargerð ritaði: Margeir Friðriksson sviðsstjóri stjórnsýslu- og fjármálasviðs
Dagskrá

1.Framkvæmdaráð - málefni fatlaðs fólks

2109245

Lögð fram eftirfarandi bókun frá 293. fundi félags- og tómstundanefndar þann 29. september 2021:
"Framkvæmdaráð er ráð sem starfar í samræmi við lög um málefni fatlaðs fólks og samstarfssamning sveitarfélaganna á Norðurlandi vestra. Í ráðinu sitja oddvitar eða framkvæmdastjórar sveitarfélaganna. Búið er að halda einn fund í ráðinu. Ráðið hefur fyrst og fremst stefnumótandi hlutverk, m.a. í húsnæðismálum sem og yfirstjórn reksturs í þjónustu við fatlað fólk. Meðfylgjandi er fundargerð fyrsta fundar ráðsins. Nefndin ítrekar mikilvægi 3. liðar fundargerðarinnar þar sem fjallað er um húsnæðismál fatlaðs fólks á Blönduósi og Sauðárkróki og beinir því til byggðarráðs að taka þessi mál til umræðu og hefja jafnframt viðræður við sveitarstjórnir í Austur-Húnavatnssýslu um uppbyggingu búsetukjarna á Blönduósi og á Sauðárkróki."
Byggðarráð samþykkir fela sveitarstjóra að senda bréf til sveitarfélaganna í Austur-Húnavatnssýslu og Akrahrepps um stofnun nýrrar húsnæðisstjárfseignarstofnunar vegna þessa verkefenis.

2.Húsnæðissjálfseignarstofnun á landsbyggðinni

2109379

Lagt fram bréf frá Sambandi íslenskra sveitarfélaga dagsett 30. september 2021 varðandi húsnæðissjálfseignarstofnun á landsbyggðinni. Markmið þessa nýja aðila verði að stuðla að uppbyggingu almennra íbúða þar sem þess er þörf utan höfuðborgarsvæðis og vaxtarsvæða, í þágu tekjulágra hópa á vinnumarkaði og þeirra hópa sem sveitarfélög bera sérstakar lagaskyldur gagnvart, m.a. fötluðu fólki.Óskað eftir því að sveitarstjórnir á landsbyggðinni taki afstöðu til hugmyndarinnar og upplýsi sambandið um hana fyrir lok október.
Byggðarráð tekur jákvætt í hugmyndina.

3.24. unglingalandsmót UMFÍ 2023

2110015

Lagt fram bréf dagsett 2. september 2021 frá Ungmennasambandi Skagafjarðar varðandi áframhaldandi stuðning vegna umsóknar til Ungmennafélags Íslands um að halda 24. Unglingalandsmót UMFÍ hér í Skagafirði árið 2023.árið 2023
Byggðarráð samþykkir að styðja UMSS til þess að halda landsmótið árið 2023.

Fundi slitið - kl. 09:37.