Byggðarráð Skagafjarðar

423. fundur 21. febrúar 2008 kl. 10:00 - 13:40 í Ráðhúsinu
Nefndarmenn
  • Gunnar Bragi Sveinsson formaður
  • Gréta Sjöfn Guðmundsdóttir varaformaður
  • Páll Dagbjartsson aðalmaður
  • Bjarni Jónsson áheyrnarfulltrúi
  • Guðmundur Guðlaugsson sveitarstjóri
  • Margeir Friðriksson sviðsstjóri stjórnsýslu- og fjármálasviðs
Fundargerð ritaði: Margeir Friðriksson sviðsstjóri stjórnsýslu- og fjármálasviðs
Dagskrá

1.Sáttmáli til sóknar í skólamálum í Skagafirði

0802076

Ólafur Sigmarsson og Herdís Sæmundardóttir komu á fundinn og kynntu skýrslu sem unnin var af Herdísi fyrir verkefnisstjórn Sáttmála til sóknar í skólamálum í Skagafirði um framhalds- og háskólanám í Skagafirði, tillögur og niðurstöður. Einnig sat fundinn undir þessum lið Áskell Heiðar Ásgeirsson sviðsstjóri markaðs- og þróunarsviðs. Ólafur og Herdís yfirgáfu fundinn.

2.Þjóðskjalasafn - Skráningarverkefni á Sauðárkróki

0801050

Lögð fram drög að verksamningi á milli Þjóðskjalasafns Íslands og sveitarfélagins um vinnu við rafræna skráningu manntala í manntalsgagnagrunn þess. Samningur þessi er gerður í framhaldi af ákvörðun ríkisstjórnar Íslands um sértækar aðgerðir í atvinnumálum vegna niðurskurðar á þorskkvóta. Á fundinn kom Unnar Ingvarsson forstöðumaður Héraðsskjalasafns Skagfirðinga og kynnti málið. Byggðarráð samþykkir fela Unnari að vinna áfram að samningsgerðinni og felur honum að auglýsa eftir starfsfólki til að sinna verkefninu og vísar samningum til umsagnar menningar- og kynningarnefndar. Byggðarráð vill vekja athygli á að samkvæmt framlögðum samningsdrögum fellur umtalsverður kostnaður á sveitarfélagið og það þá orðið beinn fjárhagslegur þátttakandi í mótvægisaðgerðum ríkisstjórnarinnar. Áskell Heiðar og Unnar viku síðan af fundi.

3.Framtíðarskipan SSNV

0801098

Endurskoðun og tillögur nefndar á vegum SSNV um framtíðarskipan samstarfs sveitarfélaga á Norðurlandi vestra lagðar fram. Byggðarráð samþykkir að halda kynningarfund fyrir sveitarstjórnarfulltrúa fimmtudaginn 28. febrúar nk.

4.Beiðni um að fá Sólgarðaskóla leigðan

0802062

Erindi frá Erni Þórarinssyni og Maríu G. Guðfinnsdóttur um að fá Sólgarðaskóla til leigu vegna reksturs ferðaþjónustu á komandi sumri. Einnig inna þau eftir hvort skólastjórabústaðurinn sé einnig falur til leigu. Byggðarráð samþykkir að fresta afgreiðslu þessa máls.

5.Fasteignagjöld Flugu hf 2008

0802052

Erindi frá Flugu hf. þar sem óskað er eftir rekstrarstyrk til greiðslu álagðs fasteignaskatts árins 2008. Byggðarráð samþykkir að fresta afgreiðslu þessa máls.

6.Varðandi leyfi fyrir Íslandsmeistaramót í MX og Enduro 2008

0802051

Erindi frá Vélhjólaklúbbi Skagafjarðar varðandi leyfi fyrir Íslandsmeistaramót í MX og Enduro 2008 í samræmi við 3.mgr. 3.gr. reglugerðar nr. 507/2007 um akstursíþróttir og aksturskeppni utan vega. Byggðarráð gerir ekki athugasemdir við að keppnirnar verði haldnar en áréttar að gengið verði eins vel um landið og unnt er og mótshaldarar lagi öll umhverfisspjöll sem kunna að verða af keppninni.

7.Norðvesturnefnd forsætisráðherra

0801101

Afgreiðslu frestað.

8.Félagslegar íbúðir - Sölu- og rekstrarframlög

0802065

Lagt fram til kynningar bréf frá Varasjóði húsnæðismála varðandi sölu- og rekstrarframlög sjóðsins.

9.Félagsmiðstöð fyrir aldraða

0802070

Lagður fram til kynningar undirskriftarlisti 206 íbúa sveitarfélagsins, fimmtíu ára og eldri, þar sem farið er í fullri vinsemd fram á það að bygging félagsmiðstöðvar fyrir aldraða verði hafin svo fljótt sem verða má sunnan við Heilsugæslu Skagafjarðar.

10.Samningur um akstur heimsending matar

0802035

Vísað frá félags- og tómstundanefnd. Afgreiðslu frestað.

11.Samningur um akstur Dagvist aldraðra

0802034

Vísað frá félags- og tómstundanefnd. Afgreiðslu frestað.

12.Niðurgreiðsla dagvistar barna á einkaheimilum

0801062

Vísað frá félags- og tómstundanefnd. Afgreiðslu frestað.

Fundi slitið - kl. 13:40.