Byggðarráð Skagafjarðar

859. fundur 07. mars 2019 kl. 11:30 - 12:11 að Sæmundargötu 7a
Nefndarmenn
  • Stefán Vagn Stefánsson formaður
  • Bjarni Jónsson aðalm.
  • Regína Valdimarsdóttir varam.
  • Sveinn Þ. Finster Úlfarsson varam. áheyrnarftr.
Starfsmenn
  • Friðrik Margeir Friðriksson sviðsstjóri stjórnsýslu- og fjármálasviðs
Fundargerð ritaði: Margeir Friðriksson sviðsstjóri stjórnsýslu- og fjármálasviðs
Dagskrá

1.Afmælishátíð sundlaugarinnar í Varmahlíð

1903011

Lagt fram bréf dagsett 15. febrúar 2019 frá undirbúningsnefnd Varmahlíðarskóla vegna afmælishátíðar sundlaugarinnar í Varmahlíð. Þann 27. ágúst n.k. eru 80 ár liðin frá vígslu sundlaugarinnar.
Byggðarráð tekur jákvætt í erindið og felur Sigfúsi Ólafi Guðmundssyni verkefnastjóra að afla frekari upplýsinga hjá undirbúningsnefndinni.

2.Íbúasamráðsverkefni sambandsins og Akureyrar

1902242

Lagður fram tölvupóstur dagsettur 28. febrúar 2019 frá Sambandi íslenskra sveitarfélaga varðandi íbúasamráðsverkefni. Öll sveitarfélög hafa tækifæri til að sækja um þátttöku verkefninu. Verkefnið snýst um að aðstoða þátttökusveitarfélögin við að beita þeim samráðsaðferðum sem kynntar eru í handbók sambandsins frá 2017: „Íbúasamráð í sveitarfélögum og þátttaka íbúa“. Gert er ráð fyrir að velja þrjú sveitarfélög til þátttöku til viðbótar við Akureyrarkaupstað, sem átti frumkvæði að verkefninu. Umsókn þarf að styðjast við samþykkt sveitarstjórnar.
Byggðarráð samþykkir fyrir sitt leiti að taka þátt í verkefninu og vísar ákvörðuninni til sveitarstjórnar.

3.Einimelur 2a-b-c-d-e-f - Umsagnarbeiðni vegna rekstrarleyfis

1902146

Lögð fram umsókn um rekstrarleyfi til sölu gistingar úr máli 1902281 hjá sýslumannsembættinu á Norðurlandi vestra, dagsett 11. febrúar 2019. Óskað er umsagnar um umsókn Magnúsar Sigmundssonar f.h. Hestasport-Ævintýraferða ehf., kt. 500594-2769, um leyfi í flokki II, gististaður án veitinga, frístundahús, vegna Einimels 2a-f.
Byggðarráð gerir ekki athugasemdir við umsóknina.

4.Bræðraborg Ríp 2 (146395 030101)- Umsagnarbeiðni vegna rekstrarleyfis

1902245

Lagður fram tölvupóstur dagsettur 28.02. 2019, úr máli 1902434 hjá sýslumannsembættinu á Norðurlandi vestra. Óskað er umsagngar um um umsókn Birgis Þórðarsonar, kt. 070660-5479, um leyfi til að reka gististað í flokki II að Bræðraborg, Ríp 2, sumarhús, fasteignanúmer 2325629, hús númer 30101, 551 Sauðárkróki.
Byggðarráð gerir ekki athugasemdir við umsóknina.

5.Viðauki 6 við fjárhagsáætlun 2018-2022

1903037

Lagður fram viðauki 6 við fjárhagsáætlun 2018 ásamt greinargerð. Gert er ráð fyrir að hækka rekstrartekjur um 80 milljónir króna og rekstrargjöld um 37 milljónir króna. Einnig er gert ráð fyrir að viðskiptakröfur hækki um 45 milljónir króna og handbært fé lækki um samsvarandi fjárhæð.
Byggðarráð samþykkir framlagðan viðauka og vísar honum til afgreiðslu sveitarstjórnar.

6.Umsókn um langtímalán 2019

1901295

Byggðarráð samþykkir hér með að taka verðtryggt lán hjá Lánasjóði sveitarfélaga ohf. að fjárhæð allt að 348 milljónir króna til 15 ára, í samræmi við samþykkta skilmála lánveitingarinnar sem liggja fyrir fundinum. Til tryggingar láninu standa tekjur sveitarfélagsins, sbr. heimild í 2. mgr. 68. gr. sveitarstjórnarlaga nr. 138/2011. Er lánið tekið til framkvæmda eignasjóðs og hitaveitu og vegna endurfjármögnunar afborgana eldri lána hjá Lánasjóðinum, sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006. Jafnframt er Sigfúsi Inga Sigfússyni, kt. 031175-5349, veitt fullt og ótakmarkað umboð til þess f.h. Sveitarfélagsins Skagafjarðar að undirrita lánssamning við Lánasjóð sveitarfélaga ohf. sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari.
Byggðarráð samþykkir einnig að vísa málinu til afgreiðslu sveitarstjórnar.

7.Bygging hjúkrunarrýma á Sauðárkróki

1902238

Lagt fram til kynningar afrit af bréfi dagsettu 20. febrúar 2019 frá Heilbrigðisstofnun Norðurlands vestra til Svandísar Svavarsdóttur heilbrigðisráðherra, varðandi ítrekun á þörf á byggingu hjúkrunarrýma á Sauðárkróki.

8.Umsagnarbeiðni þingsályktunartillaga um endurskoðun á lagaumhverfi varðandi uppkaup á landi

1902225

Lagður fram til kynningar tölvupóstur dagsettur 27. febrúar 2019 frá nefndasviði Alþingis. Allsherjar- og menntamálanefnd Alþingis sendir til umsagnar tillögu til þingsályktunar um endurskoðun á lagaumhverfi er varðar uppkaup á landi, 184. mál.

9.Umsagnarbeiðni um frumvarp til laga um rétt barna sem aðstandendur, 255. mál.

1902173

Lagður fram til kynningar tölvupóstur dagsettur 21. febrúar 2019 frá nefndasviði Alþingis. Velferðarnefnd Alþingis sendir til umsagnar frumvarp til laga um rétt barna sem aðstandenda, 255. mál.
Byggðarráð fagnar framkomnu frumvarpi og leggur áherslu á að það nái fram að ganga.

10.Umsagnarbeiðni um tillögu til þingsályktunar um velferðartækni, 296. mál.

1902171

Lagður fram til kynningar tölvupóstur dagsettur 21. febrúar 2019 frá nefndasviði Alþingis. Velferðarnefnd Alþingis sendir til umsagnar tillögu til þingsályktunar um velferðartækni, 296. mál.

Fundi slitið - kl. 12:11.