Byggðarráð Skagafjarðar

844. fundur 13. nóvember 2018 kl. 11:30 - 12:17 að Sæmundargötu 7a
Nefndarmenn
  • Stefán Vagn Stefánsson formaður
  • Gísli Sigurðsson varaform.
  • Bjarni Jónsson aðalm.
  • Sveinn Þ. Finster Úlfarsson varam. áheyrnarftr.
Starfsmenn
  • Friðrik Margeir Friðriksson sviðsstjóri stjórnsýslu- og fjármálasviðs
  • Sigfús Ingi Sigfússon sveitarstjóri
Fundargerð ritaði: Margeir Friðriksson sviðsstjóri stjórnsýslu- og fjármálasviðs
Dagskrá

1.Innheimtumál hjá Lögheimtunni

1810204

Sjá trúnaðarbók

2.Aðalfundarboð 2018 Verið vísindagarðar ehf

1810190

Lagður fram tölvupóstur dagsettur 30. október 2018. Verið Vísindagarðar ehf. boðar til aðalfundar þann 20. nóvember 2018.
Byggðarráð samþykkir að Gunnsteinn Björnsson fari með atkvæðisrétt sveitarfélagsins á aðalfundinum.

3.Minningardagur um fórnarlömb umferðarslysa 18. nóv 2018

1811042

Lagður fram tölvupóstur frá Samgöngustofu, dagsettur 6. nóvember 2018, varðandi minningardag þeirra sem látist hafa í umferðarslysum á Íslandi. Minningardagurinn verður sunnudaginn 18. nóvember 2018 og sveitarfélög hvött til þess að taka þátt í deginum með einum eða öðrum hætti.
Byggðarráð tekur jákvætt í erindið og hvetur íbúa og viðbragðsaðila til að taka þátt í deginum.

4.Gjaldskrá Byggðasafns Skagfirðinga 2019

1810026

Lögð fram bókun 60. fundar atvinnu-, menningar og kynningarnefndar þann 24. október 2018, varðandi gjaldskrá Byggðasafns Skagfirðinga 2019. Lagt er til að gjaldskráin verði óbreytt frá árinu 2018. Aðgangseyrir fyrir fullorðna er 1.700 kr. og 1.500 kr. fyrir hópa, öryrkja, eldri borgara og námsmenn.
Byggðarráð samþykkir gjaldskrána og vísar henni til afgreiðslu sveitarstjórnar.

5.Landfræðileg upplýsingagögn sveitarfélaga

1811039

Lagt fram bréf frá Þjóðskrá Íslands, landupplýsingadeild, ódagsett en móttekið 6. nóvember 2018, varðandi landfræðileg upplýsingagögn sveitarfélaga. Óskað er eftir samstarfi við sveitarfélög við að koma upp starfrænum gagnagrunni með hnitsettum eignamörkum í landeignaskrá.
Byggðarráð tekur jákvætt í erindið og felur byggingarfulltrúa að sjá um samkipti við Þjóðskrá Íslands.

6.Ný reglugerð um Jöfnunarsjóð sveitarfélaga í samráðsgátt til umsagnar

1811041

Lagt fram bréf dagsett 1. nóvember 2018 frá Jöfnunarsjóði sveitarfélaga, varðandi nýja reglugerð um sjóðinn sem er nú í samráðsgátt til umsagnar.
Byggðarráð fagnar framkomnum drögum þar sem á margan hátt er verið að koma til móts við sjónarmið landstórra fjölkjarna sveitarfélaga. Mikilvægt er að Jöfnunarsjóður sveitarfélaga haldi upprunalegu hlutverki sínu að jafna aðstöðumun sveitarfélaga á landinu vegna verkefna sinna.

7.Umsagnarbeiðni frumvarp til laga um breytingu vegna afnáms uppreistrar æru

1810146

Lagður fram til kynningar tölvupóstur frá nefndarsviði Alþingis, dagsettur 25. október 2018, þar allsherjar- og menntamálanefnd Alþingis sendir til umsagnar frumvarp til laga um breytingu á ýmsum lögum vegna afnáms um uppreist æru, 222. mál.

8.Umsagnarbeiðni þingsályktunartillaga um náttúrustofur

1811062

Lagður fram til kynningar tölvupóstur frá nefndarsviði Alþingis, dagsettur 8. nóvember 2018, þar umhverfis- og samgöngunefnd Alþingis sendir til umsagnar tillögu til þingsályktunar um náttúrustofur, 29. mál.
Byggðarráð fagnar framkominni þingsályktunartillögu enda mikilvægt að efla starfsemi náttúrustofa með auknum verkefnum og fjármagni.

9.Umsagnarbeiðni þingsályktunartillaga um aðgerðaáætlun í húsnæðismálum

1811063

Lagður fram til kynningar tölvupóstur frá nefndarsviði Alþingis, dagsettur 8. nóvember 2018, þar sem velferðarnefnd Alþingis sendir til umsagnar tillögu til þingsályktunar um aðgerðaáætlun í húsnæðismálum, 5. mál.

Fundi slitið - kl. 12:17.