Byggðarráð Skagafjarðar

840. fundur 02. október 2018 kl. 11:30 - 12:31 að Sæmundargötu 7a
Nefndarmenn
  • Gísli Sigurðsson varaform.
  • Bjarni Jónsson aðalm.
  • Ólafur Bjarni Haraldsson áheyrnarftr.
  • Ingibjörg Huld Þórðardóttir varam.
Starfsmenn
  • Friðrik Margeir Friðriksson sviðsstjóri stjórnsýslu- og fjármálasviðs
  • Sigfús Ingi Sigfússon sveitarstjóri
Fundargerð ritaði: Margeir Friðriksson sviðsstjóri stjórnsýslu- og fjármálasviðs
Dagskrá

1.Áherslumál á fundi með þingmönnum Norðvesturkjördæmis

1810004

Farið yfir drög að samantekt yfir helstu áherslumál sem fulltrúar sveitarfélagsins vilja ræða við þingmenn Norðvesturkjördæmis á fundi þann 3. október 2018.
Byggðarráð samþykkir drögin með þeim breytingum sem ræddar voru á fundinum.

2.Stjórnsýsla landbúnaðar í atvinnuvegaráðuneyti

1810005

Byggðarráð Sveitarfélagsins Skagafjarðar mótmælir þeirri ákvörðun atvinnuvega- og nýsköpunarráðuneytisins að hætta við ráðningu skrifstofustjóra á skrifstofu matvæla og landbúnaðar. Vekur ákvörðunin furðu þar sem á þriðja tug manna sótti um starfið, matsnefnd hefur verið að störfum, búið var að taka nokkra umsækjendur í viðtal og sérstök hæfnisnefnd var búin að skila ráðherra greinargerð, skv. heimildum fjölmiðla.

Ætlun atvinnuvega- og nýsköpunarráðuneytis er að sameina skrifstofuna, sem hefur verið ein þriggja fagskrifstofa sem heyra undir sjávarútvegs- og landbúnaðarráðherra, undir skrifstofu alþjóðamála. Hættan á slíkum gjörningi er sú að vægi matvæla og landbúnaðar verði enn minna en þegar er sem er slæmt fyrir hagsmuni íslensks landbúnaðar.

Byggðarráð Sveitarfélagsins Skagafjarðar skorar á atvinnuvega- og nýsköpunarráðuneytið að afturkalla ákvörðun sína og ljúka því ráðningarferli sem var nær fullbúið.

3.Beiðni um lækkun fasteignaskatts

1809338

Lögð fram umsókn dagsett 24. september 2018, frá stjórn Villa Nova ehf. um styrk til greiðslu fasteignaskatts skv. 2. mgr., 5. gr. laga nr. 4/1995.
Byggðarráð samþykkir að veita styrk sem nemur 30% af fasteignaskatti ársins 2018 skv. 5. gr. reglna sveitarfélagins um styrki til greiðslu fasteignaskatts.

4.Umsagnarbeiðni tillaga til þingsályktunar stofnun ráðgjafarstofu innflytjenda

1809354

Lagður fram tölvupóstur frá nefndasviði Alþingis, dagsettur 26. september 2018, þar sem velferðarnefnd Alþingis sendir til umsagnar tillögu til þingsályktunar um stofnun ráðgjafarstofu innflytjenda, 19. mál.

5.Ársfundur Jöfnunarsjóðs 2018

1809328

Lagt fram til kynningar bréf frá Jöfnunarsjóði sveitarfélaga, dagsett 20. september þar sem boðað er til ársfundar sjóðsins 10. október 2018 í Reykjavík.

6.Mannvirki á miðhálendinu skýrsla Skipulagsstofnunar

1809331

Lagður fram til kynningar tölvupóstur frá Skipulagsstofnun, dagsettur 26. september 2018 þar sem skýrt er frá því að út sé komin skýrslan Mannvirki á miðhálendinu, framfylgdarverkefni Landsskipulagsstefnu 2015-2026. Skýrslan er afurð verkefnis þar sem Skipulagsstofnun, í samvinnu við Þjóðskrá Íslands og sveitarfélög á miðhálendinu, var falið að hafa forgöngu um skráningu mannvirkja og þjónustu á miðhálendinu. Tilgangur hennar er að gefa heildstæða yfirsýn yfir núverandi mannvirki og þjónustuframboð á miðhálendinu. Slík yfirsýn er nauðsynleg forsenda fyrir frekari stefnumótun um skipulagsmál á miðhálendinu.

Fundi slitið - kl. 12:31.