Byggðarráð Skagafjarðar

446. fundur 17. september 2008 kl. 15:00 - 16:30 í Ráðhúsi, Skagf.braut 17-21
Nefndarmenn
  • Gunnar Bragi Sveinsson formaður
  • Gréta Sjöfn Guðmundsdóttir varaform.
  • Páll Dagbjartsson aðalm.
  • Bjarni Jónsson áheyrnarftr. VG
  • Guðmundur Guðlaugsson sveitarstjóri
  • Margeir Friðriksson sviðsstjóri stjórnsýslu- og fjármálasviðs
Fundargerð ritaði: Margeir Friðriksson sviðsstjóri stjórnsýslu- og fjármálasviðs
Dagskrá

1.Ársþing SSNV 19.- 20. sept. 2008

0809038

Rætt um 16. ársþing SSNV á Siglufirði sem fer fram dagana 19. og 20. september nk. og dagskrá lögð fram.
Byggðarráð samþykkir að Stefán Gestsson, Örn Þórarinsson og Unnur Sævarsdóttir sæki þingið í stað kjörinna fulltrúa Framsóknarflokks sem ekki geta mætt.

2.Vodafone - umsókn um aðstöðu fyrir búnað í Höfðaborg

0809028

Lagt fram bréf frá Félagsheimilinu Höfðaborg varðandi umsókn fyrirtækisins Vodafone um leyfi til að setja upp fjarskiptabúnað utan á Félagsheimilið Höfðaborg á Hofsósi.
Eignasjóður Skagafjarðar samþykkir erindið fyrir sitt leyti enda verði gerður leigusamningur á milli málsaðila. Erindið fer einnig til afgreiðslu hjá skipulags- og bygginganefnd.

3.Rekstrarupplýsingar janúar-júlí 2008

0809024

Í framhaldi af bókun 445. fundar byggðarráðs eru lagðar fram til kynningar upplýsingar frá sviðsstjórum um helstu ástæður frávika frá fjárhagsáætlun ársins fyrir tímabilið janúar - júlí.

4.Fjölbrautaskóli Norðurlands vestra Stækkun verknámshúss

0806090

Sveitarstjóri kynnti stöðu verkefnis varðandi stækkun verknámshúss Fjölbrautaskóla Norðurlands vestra.
Byggðarráð leggur þunga áherslu á að gengið verði frá samningi sem fyrst við ríkið um viðbyggingu við verknámshús Fjölbrautaskóla Norðurlands vestra, til að mæta þorfum og nýmælum við verknámsbrautir skólans.

5.Fjöldi grunnskólanema haustið 2008

0809034

Lagðar fram til kynningar upplýsingar um fjölda grunnskólanema haustið 2008 í grunnskólum sveitarfélagsins.

6.Vefaðgangur að fundargerðum og -gögnum stjórnar sambandsins

0809037

Lagt fram til kynningar bréf frá Sambandi íslenskra sveitarfélaga varðandi vefaðgang að fundargerðum stjórnar sambandsins og gögnum sem lögð eru fram á fundum hennar.

Fundi slitið - kl. 16:30.