Byggðarráð Skagafjarðar

799. fundur 09. nóvember 2017 kl. 09:00 - 10:29 að Sæmundargötu 7a
Nefndarmenn
  • Stefán Vagn Stefánsson formaður
  • Sigríður Svavarsdóttir varaform.
  • Gréta Sjöfn Guðmundsdóttir aðalm.
  • Bjarni Jónsson áheyrnarftr.
Starfsmenn
  • Ásta Björg Pálmadóttir sveitarstjóri
Fundargerð ritaði: Ásta Björg Pálmadóttir sveitarstjóri
Dagskrá

1.Skagfirskar leiguíbúðir hses

1610156

Jón Örn Berndsen skipulags- og byggingarfulltrúi kom á fundinn undir þessum lið og fór yfir stöðu verkefnisins. Byggðarráð samþykkir að halda áfram með verkefnið og ganga til samninga á grundvelli þeirra gagna sem kynnt voru á fundinum.

2.Sameining sveitarfélaga í Skagafirði 1998

1711070

Sigfús Ingi Sigfússon verkefnastjóri hjá Sveitarfélaginu Skagafirði komu á fundinn undir þessum dagskrárlið.
Á næsta ári eru tuttugu ár frá sameiningu sveitarfélaga í Skagafirði. Farið var yfir hugmyndir með hvaða hætti hægt væri að fagna þeim tímamótum.

3.Ágóðahlutagreiðsla 2017 Brunabót

1711045

Lagt fram bréf frá Eignarhaldsfélaginu Brunabótafélag Íslands vegna ágóðahlutagreiðslu 2017. Hlutdeild Sveitarfélagsins Skagafjarðar í Sameignarsjóði EBÍ er 3.356% og greiðsla ársins þann 31.október til sveitarfélagsins verður þá 1.678.000,-

4.Suðurbraut 7, Hofsós fnr: 214-3674 - sala

1710088

Byggðarráð Sveitarfélagsins Skagafjarðar óskaði eftir því við Fasteignasölu Sauðárkróks að auglýsa húsið að Suðurbraut 7 á Hofsósi til sölu fyrir sveitarfélagið. Lagt fram yfirlit um þau kauptilboð er bárust í Suðurbraut 7 á Hofsósi. Alls bárust 5 tilboð. Byggðarráð samþykkir að ganga að hæsta tilboði í fasteignina sem kom frá Pardus ehf.

5.Norðurstrandarleið Arctic Coast Way

1711018

Lagt fram til kynningar stöðuskýrsla verkefnisstjóra Arctic Coast Way eða Norðurstrandarleið, Christiane Stadler. Í skýrslunni kemur fram að verkefnið fer sístækkandi og eru nú alls 17 sveitarfélög tengd verkefninu.

6.Fundagerðir 2017 - SSNV

1701003

Lagt fram til kynningar fundargerð síðasta stjórnarfundar SSNV, dags. 7. nóvember 2017.

Fundi slitið - kl. 10:29.