Byggðarráð Skagafjarðar

797. fundur 26. október 2017 kl. 09:00 - 10:10 að Sæmundargötu 7a
Nefndarmenn
  • Stefán Vagn Stefánsson formaður
  • Sigríður Svavarsdóttir varaform.
  • Bjarni Jónsson áheyrnarftr.
  • Sigurjón Þórðarson varam.
Starfsmenn
  • Ásta Björg Pálmadóttir sveitarstjóri
Fundargerð ritaði: Ásta Björg Pálmadóttir sveitarstjóri
Dagskrá

1.Erindi varðandi trjágróður í Litla Skógi

1710109

Lagt fram erindi frá íbúum Barmahlíðar 2, Skúla Bragasyni og Guðmundi Vilhelmssyni. Í erindinu kemur fram að íbúðarhús þeirra hafið notið útsýnis út á fjörðinn en geri það ekki lengur þar sem trjágróður í gilinu norðan við hús þeirra sé orðinn mjög hávaxin. Fara þeir þess á leit við sveitarstjórn að hæfilega verði grisjað þarna af þessum sökum.
Byggðarráð samþykkir að vísa erindinu til umhverfis- og samgöngunefnar til skoðunar.

2.Viðauki 4 við fjárhagsáætlun 2017

1708162

Lögð fram tillaga að viðauka nr. 4 við fjárhagsáætlun ársins 2017 ásamt greinargerð. Viðaukinn hefur eftirfarandi áhrif á rekstrarreikning A- og B-hluta:
A-hluti, lækkun nettó útgjalda um 19.795 þús.kr.
B-hluti, hækkun nettó útgjalda um 19.795 þús.kr.

Byggðarráð samþykkir framangreinda tillögu að viðauka og vísar honum til samþykkis sveitarstjórnar.

3.Útsvarshlutfall árið 2018

1710142

Byggðarráð samþykkir að útsvarshlutfall fyrir árið 2018 í Sveitarfélaginu Skagafirði verði óbreytt, þ.e. 14,52% af útsvarsstofni og vísar tillögunni til samþykktar sveitarstjórnar.

4.Álagning fasteignagjalda 2018

1710143

Lögð fram tillaga um gjaldskrá fasteignagjalda 2018:

Fasteignaskattur A-flokkur 0,50%

Fasteignaskattur B-flokkur 1,32%

Fasteignaskattur C-flokkur 1,65%

Lóðarleiga íbúðarlóða 1,50%

Lóðarleiga atvinnulóða 2,50%

Leiga beitarlands 0,50 kr./m2

Leiga ræktunarlands utan þéttbýlis 0,90 kr./m2

Leiga ræktunarlands í þéttbýli 1,25 kr./m2

Fjöldi gjalddaga fasteignagjalda verði níu frá 1. febrúar 2018 til 1. október 2018. Heildarálagning á fasteign sem ekki nær 350 kr. fellur niður. Ef álagning fasteignagjalda á fasteign nær ekki 24.500 kr. á gjaldanda, verður öll upphæðin innheimt á fyrsta gjalddaga, 1. febrúar 2018. Einnig verður gefinn kostur á því að gjaldendur geti greitt upp fasteignagjöldin á einum gjalddaga og eigi síðar en 10. maí 2018, séu þau jöfn eða umfram 24.500 kr.

Álagningarseðlar fasteignagjalda verða ekki sendir til gjaldenda, nema þeirra sem óska sérstaklega eftir því. Allir greiðendur geta nálgast rafræna útgáfu álagningarseðils í Íbúagátt sveitarfélagsins og á island.is

Byggðarráð samþykkir tillöguna og vísar henni til afgreiðslu sveitarstjórnar.

5.Reglur um stofnframlög

1611119

Lögð fram drög að reglum um veitingu stofnframlaga skv. lögum nr. 52/2016 um almennar íbúðir fyrir Sveitarfélagið Skagafjörð.
Byggðarráð samþykkir fyrirliggjandi drög og vísar þeim til afgreiðslu sveitarstjórnar.

6.Sæmundargata 5 (C)

1710071

Byggðarráð samþykkti á fundi sínum þann 19.október s.l. að gera tilboð í húseignina að Sæmundargötu 5, fnr: 213-2311. Fyrir fundinum liggur gagntilboð frá seljanda.
Byggðarráð samþykkir að ganga að gagntilboði seljanda.

7.Áætlunarflug til Sauðárkróks

1605054

Byggðarráð Sveitarfélagsins Skagafjarðar fagnar því að Flugfélagið Ernir ætli að hefja áætlunarflug til Sauðárkróks þann 1.desember n.k.

8.Ráðning slökkviliðsstjóra

1710151

Vernharð Guðnason, slökkviliðsstjóri, sem verið hefur í launalausu leyfi frá 1.desember 2016, hefur sagt upp starfi sínu hjá Brunavörnum Skagafjarðar frá og með 1.desember n.k. Svavar Atli Birgisson, varaslökkviliðsstjóri hefur gegnt starfi slökkviliðsstjóra í leyfi Vernharðs Guðnasonar. Sveitarstjóri leggur til að Svavar Atli Birgisson verði ráðinn sem slökkviliðsstjóri frá 1.desember n.k. og að auglýst verði eftir varaslökkviliðsstjóra. Byggðarráð samþykkir tillöguna.
Byggðarráð þakkar Vernharði Guðnasyni samstarfið á liðnum árum og óskar Svavari Atla velfarnaðar í starfi.

9.Skilaboð frá Markaðsstofu Norðurlands og flugklasanum Air 66N

1710127

Lagt fram til kynningar tölvupóstur frá Markaðsstofu Norðurlands og flugklasanum Air 66N. Þar segir m.a.:
Markaðsstofa Norðurlands og flugklasinn AIR 66N hafa um árabil unnið að því markmiði klasans að koma á beinu millilandaflugi um Akureyrarflugvöll. Nú í janúar og febrúar mun ferðaskrifstofan Super Break í Bretlandi fljúga 2svar í viku frá Bretlandi til Akureyrar, samtals 14 flug á 7 vikum.

Enn eru þó hindranir í veginum m.a. sú að eldsneyti fyrir flugvélar í millilandaflugi er dýrara á Akureyri en í Keflavík. Ástæðan er sú að kostnaði við flutning á eldsneytinu sem er öllu skipað upp í Helguvík er bætt ofan á grunnverð og þannig verður eldsneytið dýrara eftir því sem lengra dregur frá Helguvík.

Það er mjög mikilvægt að ná betri dreifingu ferðamanna um landið allt. Til þess þarf að byggja upp fleiri áfangastaði fyrir millilandaflug en Keflavík.

10.Stöðumat forvarna

1710144

Lagt fram til kynningar skýrsla frá VÍS sem ber heitið Stöðumat forvarna.
Dagana 19-21 september s.l. voru 29 stofnanir sveitarfélagsins heimsóttar af starfsmönnu VÍS og gert svo kallað stöðumat á hverjum stað, tilgangur úttektarinnar er m.a. til að huga betur að skipulagi öryggismála m.t.t. starfsmanna og íbúa sveitarfélagsins.

11.Fundagerðir 2017 - SSNV

1701003

Lagt fram til kynningar fundargerð síðasta stjórnarfundar SSNV, dags. 19. október 2017.

Auk þess fundargerð úthlutunarnefndar Uppbyggingarsjóðs Norðurlands vestra dags. 19. sept. 2017 og fundargerð starfshóps um almenningssamgöngur dags. 8. sept. 2017.

Fundi slitið - kl. 10:10.