Byggðarráð Skagafjarðar

763. fundur 10. nóvember 2016 kl. 09:00 - 10:09 að Sæmundargötu 7a
Nefndarmenn
  • Stefán Vagn Stefánsson formaður
  • Sigríður Svavarsdóttir varaform.
  • Bjarni Jónsson aðalm.
  • Sigurjón Þórðarson varam. áheyrnarftr.
Starfsmenn
  • Friðrik Margeir Friðriksson sviðsstjóri stjórnsýslu- og fjármálasviðs
  • Ásta Björg Pálmadótttir sveitarstjóri
Fundargerð ritaði: Margeir Friðriksson sviðsstjóri stjórnsýslu- og fjármálasviðs
Dagskrá

1.Nefndalaun 1. nóv 2016 - hækkun þingfararkaups

1611009

Samkvæmt samþykkt um kjör fulltrúa í stjórnum, ráðum og nefndum Sveitarfélagsins Skagafjarðar þá eru viðmið um grunnlaun, þóknanir og starfstengdan kostnað sett sem hlutfall af þingfararkaupi á hverjum tíma.

Byggðarráð Sveitarfélagsins Skagafjarðar vísar því til sveitarstjórnar að hafna hækkun á launakjörum fulltrúa í stjórnum, ráðum og nefndum sveitarfélagsins, sem leiðir af 44% hækkun þingfararkaups sem kjararáð úrskurðaði um þann 29. október s.l.

2.Útsvarshlutfall árið 2017

1611028

Byggðarráð samþykkir að útsvarshlutfall fyrir árið 2017 í Sveitarfélaginu Skagafirði verði óbreytt, þ.e. 14,52% af útsvarsstofni og vísar tillögunni til samþykktar sveitarstjórnar.

3.Fundarboð flugklasinn AIR 66N 22. nóvember

1611083

Lagður fram tölvupóstur dagsettur 8. nóvember 2016 frá Markaðsskrifstofu Norðurlands þar sem boðað er til fundar vegna flugklasans AIR 66N þann 22. nóvember n.k. á Akureyri.

Byggðarráð samþykkir að senda fulltrúa frá sveitarfélaginu á fundinn.

4.Náttúrustofa Norðurlands vestra

1506085

Lagður fram tölvupóstur dagsettur 8. nóvember 2016 frá Náttúrustofu Norðurlands vestra varðandi rekstur stofnunarinnar og samstarf sveitarfélaga á Norðurlandi vestra um hann.

Byggðarráð samþykkir að ganga frá samkomulagi við þau sveitarfélög sem hafa lýst áhuga sínum á að koma að rekstri stofnunarinnar.

5.Vegna eignarhlutar í Bifröst

1607152

Lagt fram bréf frá Ungmennafélaginu Tindastóli, dagsett 1. apríl 2016 varðandi eignarhlut félagsins í Félagsheimilinu Bifröst.

Byggðarráð samþykkir að bjóða fulltrúum ungmennafélagsins á fund ráðsins til viðræðu.

6.Drög að reglugerð um heimagistingu o.fl.

1611044

Lagður fram til kynningar tölvupóstur dagsettur 2. nóvember 2016 frá Sambandi íslenskra sveitarfélaga þar sem kynnt er að sambandið muni senda umsögn um drög að reglugerð um veitingastaði, gististaði og skemmtanahald. Sveitarfélögum sem ekki ætla að senda sérstaka umsögn er gefinn kostur á að koma athugasemdum á framfæri við sambandið.

7.Ársþing SSNV 21.október 2016 á Sauðárkróki

1608189

Lögð fram til kynningar fundargerð 24. ársþings SSNV þann 21. október 2016.

8.Ráðstefna á vegum Sambands íslenskra sveitarfélaga í Svíþjóð

1603057

Lögð fram til kynningar ferðaskýrsla frá Sambandi íslenskra sveitarfélaga varðandi námsferð fyrir sveitarstjórnarmenn til Svíþjóðar í sumarlok 2016. Markmið ferðarinnar var að kynna fyrir íslenskum sveitarstjórnarmönnum hvernig sænsk sveitarfélög vinna að íbúasamráði.

9.Landsþing Sambands ísl. sveitarfélaga 2017

1611020

Lagður fram til kynningar tölvupóstur dagsettur 1. nóvember 2016 frá Sambandi íslenskra sveitarfélaga þar sem tilkynnt er um að landsþing sambandsins verður haldið föstudaginn 24. mars 2017 í Reykjavík og fjármálaráðstefna sveitarfélaga verður haldin dagana 5. og 6. október 2017 í Reykjavík.

10.Leiðbeiningar um uppbyggingu ljósleiðaraneta og ríkisaðstoðarreglur EES

1411211

Lagðar fram til kynningar leiðbeiningar um uppbyggingu ljósleiðaraneta og ríkisaðstoðarreglur EES.

11.Skýrslur um fasteignamat 2017 og brunabótamat 2016

1610346

Kynnt að að skýrslur um fasteignamat 2017 og brunabótamat 2016 eru komnar út og má finna á vef Þjóðskrár Íslands http://www.skra.is/um-okkur/utgafur-og-skjol/

Fundi slitið - kl. 10:09.