Byggðarráð Skagafjarðar

732. fundur 25. febrúar 2016 kl. 09:00 - 10:00 í Ráðhúsi, Skr.
Nefndarmenn
  • Sigríður Svavarsdóttir varaform.
  • Viggó Jónsson varam.
  • Sigurjón Þórðarson varam.
  • Bjarni Jónsson áheyrnarftr.
Starfsmenn
  • Friðrik Margeir Friðriksson sviðsstjóri stjórnsýslu- og fjármálasviðs
  • Ásta Björg Pálmadótttir sveitarstjóri
Fundargerð ritaði: Margeir Friðriksson sviðsstjóri stjórnsýslu- og fjármálasviðs
Dagskrá

1.Bakkaflöt lóð 220227(5 smáhýsi)-Umsagnarbeiðni vagna rekstrarleyfis

1602174

Lagt fram bréf frá sýslumanninum á Norðurlandi vestra, dagsett 12. febrúar 2016 þar sem óskað er umsagnar um umsókn Finns Sigurðarsonar, kt. 250288-3609, um rekstrarleyfi fyrir Bakkaflöt smáhýsi, landnúmer 220227, fastanúmer 232-4379, Bakkaflöt, 560 Varmahlíð. Gististaður, flokkur II, fimm sumarhús, tveir gestir í hverju húsi. Forsvarsmaður er Finnur Sigurðarson.
Byggðarráð gerir ekki athugasemdir við umsóknina.

2.Suðurbraut 1 - Umsagnarbeiðni vegna rekstrarleyfis

1602194

Lagt fram bréf frá sýslumanninum á Norðurlandi vestra, dagsett 16. febrúar 2016 þar sem óskað er umsagnar um umsókn Auðar Bjarkar Birgisdóttur, kt. 280484-2889, um rekstrarleyfi fyrir Suðurbraut 1, 565 Hofsósi. Fastanúmer 214-3664. Gististaður, flokkur II, fjöldi gesta 4. Forsvarsmaður er Auður Björk Birgisdóttir.
Byggðarráð gerir ekki athugasemdir við umsóknina.

3.Afskrift sveitarsjóðsgjalda

1602212

Lagður fram tölvupóstur frá sýslumannsembættinu á Norðurlandi vestra, dagsettur 18. febrúar 2016 varðandi afskrift á eftirstöðvum útsvars að höfuðstólsupphæð 5.188 kr., samtals með vöxtum 5.694 krónur.
Byggðarráð samþykkir að afskrifa framangreinda kröfu.

4.Afskriftir af sveitarsjóðsgjöldum

1602087

Lagðir fram tölvupóstar frá sýslumannsembættinu á Norðurlandi vestra, dagsettir 5. febrúar 2016 varðandi afskrift á fyrndu og óinnheimtanlegu útsvari að höfuðstólsupphæð 1.695.155 kr., samtals með vöxtum 2.447.871 krónur.
Byggðarráð samþykkir að afskrifa framangreindar kröfur.

5.Framboð til stjórnar Lánasjóðs sveitarfélaga ohf.

1602259

Lagt fram bréf frá Lánasjóði sveitarfélaga ohf., dagsett 22. febrúar 2016, þar sem auglýst er eftir framboðum í stjórn lánasjóðsins.
Byggðarráð samþykkir að bréfið verði sent sveitarstjórnarfulltrúum til kynningar.

6.Kjörstaðir við forsetakosningar 2016

1602086

Á 731. fundi byggðarráðs var ákveðið hvaða kjörstaðir yrðu við forsetakosningar í júní n.k. Í ljós hefur komið að Félagsheimilið Árgarður og Félagsheimilið Höfðaborg eru upptekin á kjördag, 25. júní 2016.
Byggðarráð samþykkir að kjörstaður á Hofsósi verði í grunnskólanum í stað Höfðaborgar. Ekkert hentugt húsnæði hefur fundist í stað Árgarðs og samþykkir byggðarráð að kjörstaðurinn verði fluttur í Varmahlíðarskóla.

7.Rafmagnsleysi í Skagafirði 23. febrúar 2016

1602297

Byggðarráð Sveitarfélagsins Skagafjarðar lýsir yfir þungum áhyggjum með óviðunandi ástand rafmagnsmála í Skagafirði um árabil. Stór tjón hafa orðið af völdum rafmagnsleysis á síðustu 18 mánuðum og hættuástand skapast. Byggðarráð krefst þess að bætt verði úr nú þegar og fer fram á fund með fulltrúum Rarik, Landsnets, ráðherra og þingmönnum kjördæmisins ásamt fulltrúum frá stærstu orkukaupendum í sveitarfélaginu.

8.Menningarsetur Skagfirðinga - Ársreikningur 2014

1602090

Lagður fram til kynningar ársreikningur Menningarseturs Skagfirðinga fyrir árið 2014.

9.Fundagerðir 2016 - Samtök sjávarútvegs sv.fél

1601006

26. fundargerð stjórnar Sjávarútvegssveitarfélaga frá 12. febrúar 2016 lögð fram til kynningar á 732. fundi byggðarráðs 25. febrúar 2016.

Fundi slitið - kl. 10:00.