Byggðarráð Skagafjarðar

629. fundur 27. júní 2013 kl. 09:00 - 11:10 í Ráðhúsi, Skr.
Nefndarmenn
  • Stefán Vagn Stefánsson formaður
  • Bjarni Jónsson varaform.
  • Jón Magnússon aðalm.
  • Þorsteinn Tómas Broddason áheyrnarftr.
  • Sigurjón Þórðarson áheyrnarftr.
  • Ásta Björg Pálmadóttir sveitarstjóri
Fundargerð ritaði: Ásta Björg Pálmadóttir sveitarstjóri
Dagskrá

1.Kosning formanns og varaformanns í byggðarráð

1306228

Byggðarráð samykkir Stefán Vagn Stefánsson sem formann byggðarráðs og Bjarna Jónsson sem varaformann byggðarráðs.

2.Tekjuframlög Jöfnunarsjóðs vegna málefna fatlaðra 2013

1306194

Á fundinn komu Gréta Sjöfn Guðmundsdóttir og Gunnar Sandholt sem fóru yfir tekjuframlög til málefna fatlaðra.

3.Kynning á nýrri heimasíðu

1306217

Stefán Arnar Ómarsson kom á fundinn og kynnti drög að nýrri heimasíðu sem er í vinnslu.

4.Aðgengismál

1306163

Lagt fram bréf frá Sjálfsbjörg í Skagafirði frá Aðgengisnefnd Sjálfsbjargar þar sem óskað er eftir samstarfi við sveitarfélagið er varðar aðgengismál. Byggðarráð þakkar erindið og felur sveitarstjóra og sviðsstjóra veitu-og framkvæmdasviðs að koma á fundi með Aðgengisnefnd Sjálfsbjargar í Skagafirði.

5.Viðauki við fjárhagsáætlun 2013 - Samgöngumál

1304390

Vegna samnings á milli Sveitarfélagsins Skagafjarðar og Air Arctic um áætlunarflug á milli Sauðárkróks og Reykjavíkur, þarf að gera viðauka á fjárhagsáælun ársins 2013.
Byggðarráð samþykkir að hækka fjárheimildir málaflokks 10890 um 7.700.000 kr. Fjármögnuninni mætt með lántöku.

6.Ósk um fund frá stjórn NNV

1306216

Stjórn Náttúrustofu norðurlands vestra óskar eftir fundi með Byggðaráði og fulltrúa Akrahrepps til að ræða stöðu og framtíð Náttúrustofu norðurlands vestra. Byggðarráð felur sveitarstjóra að koma á fundi með aðilum.

7.Skipun starfshóps til að vinna að drögum um innkaupareglur fyrir Sveitarfélagið Skagafjörð.

1306141

Sveitarstjórn Sveitarfélagsins Skagafjarðar leggur til að skipaður verði starfshópur til að vinna að drögum um innkaupareglur fyrir Sveitarfélagið Skagafjörð. Í hópnum verði fimm fulltrúar einn frá hverjum flokki sem á fulltrúa í sveitarstjórn. Málinu var vísað til byggðarráðs til tilnefningar í starfshópinn. Byggðarráð tilnefnir eftirfarandi fulltrúa: Bjarki Tryggvason, Jón Magnússon, Gísli Árnason, Árni Gísli Brynleifsson og Pálmi Sighvatsson. Sveitarstjóra falið að kalla hópinn saman til fyrsta fundar.

8.Tillaga frá S.Þ. Sveitarstjórn Skagafjarðar samþykkir að fresta öllum kostnaðarsömum innheimtuaðgerðum.

1306137

Málið rætt og byggðarráð samþykkir að afla frekari gagna hjá fjármálastjóra.

9.Smábátahöfn - flotbryggjur

1212094

Formleg opnun á smábátahöfn kl. 13 á sunnudag 30.júní n.k.

Fundi slitið - kl. 11:10.