Byggðarráð Skagafjarðar

577. fundur 19. desember 2011 kl. 09:00 - 13:12 í Ráðhúsi, Skr.
Nefndarmenn
  • Stefán Vagn Stefánsson formaður
  • Bjarni Jónsson varaform.
  • Jón Magnússon aðalm.
  • Þorsteinn Tómas Broddason áheyrnarftr.
  • Sigurjón Þórðarson áheyrnarftr.
  • Ásta Björg Pálmadóttir sveitarstjóri
  • Margeir Friðriksson sviðsstjóri stjórnsýslu- og fjármálasviðs
Fundargerð ritaði: Margeir Friðriksson sviðsstjóri stjórnsýslu- og fjármálasviðs
Dagskrá
Bjarki Tryggvason sat allan fundinn og Sigríður Svavarsdóttir sat fundinn undir dagskrárliðum 1 - 17.

1.Siðareglur

1112324

Lögð fram drög að siðareglum kjörinna fulltrúa Sveitarfélagsins Skagafjarðar. Hrefna Gerður Björnsdóttir sat fundinn undir þessum dagskrárlið.

Byggðarráð samþykkir fyrirliggjandi drög með áorðnum breytingum og vísar þeim til afgreiðslu sveitarstjórnar.

2.Nefndalaun - breyting á 11. gr þóknun fyrir nefndastörf.

1112323

Lögð fram tillaga um breytingu á 11.gr. samþykkta um kjör fulltrúa í stjórnum, ráðum og nefndum Sveitarfélagsins Skagafjarðar. Lagt er til að í niðurlagi 11. gr. falli eftirfarandi texti niður: "Undantekning eru starfsmenn grunn-, leik- og tónlistarskóla sem sitja fundi fræðslunefndar, sem áheyrnarfulltrúar. Þeir fá greidda þóknun fyrir fundarsetu, sem er 1% af þingfararkaupi."

Byggðarráð samþykkir tillöguna.

3.Endurskoðun húsaleigu félagslegra íbúða

1012112

Lögð fram gögn varðandi útleigu félagslegs húsnæðis í eigu sveitarfélagsins með tilliti til breytingar á leiguverði.

Byggðarráð samþykkir að breyta leigu á íbúðarhúsnæði í eigu sveitarfélagsins í 950 kr/m2. Þeir sem leigja húsnæði á félagslegum forsendum greiði 20% lægri upphæð 760 kr/m2 og að hámarki 90.000 kr. á mánuði. Leiguverð tekur verðlagsbreytingum árlega samkvæmt vísitölu neysluverðs til verðtryggingar.

4.Áætlun um úthlutun aukaframlags úr Jöfnunarsjóði 2011

1112263

Lagt fram bréf frá Jöfnunarsjóði sveitarfélaga um áætlaða úthlutun aukaframlags úr sjóðnum á árinu 2011. Jafnframt er óskað eftir því að sveitarfélagið skili greinargerð fyrir 23. desember 2011, um ráðstöfun fjárins sem er að upphæð 10.711.122 kr.

Byggðarráð felur sveitarstjóra að svara erindinu.

5.Upplýsingabeiðni um eftirfylgni

1112317

Lagt fram erindi frá Umhverfisstofnun, þar sem óskað er eftir upplýsingum um eftirfylgni af hálfu sveitarfélagsins um lagfæringar á landspjöllum eftir Enduro aksturskeppni við skíðasvæðið í Tindastóli.

Byggðarráð ítrekar fyrri afgreiðslu vegna leyfisveitingarinnar og samþykkir að fela umhverfis- og samgöngunefnd úrvinnslu erindisins.

6.Umsókn um styrk til greiðslu gatnagerðargjalda

1112266

Lögð fram styrkbeiðni frá Björgunarsveitinni Gretti á Hofsósi til greiðslu gatnagerðargjalda vegna stækkunar húsnæðis sveitarinnar við Skólagötu á Hofsósi.

Byggðarráð samþykkir að fela sveitarstjóra að afgreiða málið með sambærilegum hætti og gert var fyrir Skagfirðingasveit.

7.Gjaldskrá Dagvistar aldraðra 2012

1112279

Lögð fram gjaldskrá fyrir dagvist aldraðra 2012, sem var vísað til afgreiðslu byggðarráðs frá 181. fundi félags- og tómstundanefndar.

Byggðarráð samþykkir fyrirlagða gjaldskrá.

8.Gjaldskrá heimaþjónustu 2012

1112277

Lögð fram gjaldskrá fyrir heimaþjónustu 2012, sem var vísað til afgreiðslu byggðarráðs frá 181. fundi félags- og tómstundanefndar.

Byggðarráð samþykkir fyrirlagða gjaldskrá.

9.Gjaldskrá vegna niðurgreiðslu á daggæslu barna í heimahúsum 2012

1112278

Lögð fram gjaldskrá vegna niðurgreiðslu á daggæslu barna í heimahúsum 2012, sem var vísað til afgreiðslu byggðarráðs frá 181. fundi félags- og tómstundanefndar.

Byggðarráð samþykkir fyrirlagða gjaldskrá.

10.Viðmiðunarupphæð fjárhagsaðstoðar

1112276

Lagðar fram viðmiðunarupphæðir fyrir fjárhagsaðstoð á árinu 2012, sem var vísað til afgreiðslu byggðarráðs frá 181. fundi félags- og tómstundanefndar.

Byggðarráð samþykkir fyrirlagða gjaldskrá.

11.Hækkun gjaldskrár fæðis í leikskóla, grunnskóla og heilsdagsskóla um 13%

1112314

Lögð fram gjaldskrá fyrir fæði í leik-, grunn- og heildagsskóla, fyrir árið 2012, sem var vísað til afgreiðslu byggðarráðs frá 75. fundi fræðslunefndar.

Byggðarráð samþykkir fyrirlagða gjaldskrá.

12.Hækkun gjaldskrár dvalar í leikskólum og heilsdagsskólum Skagafjarðar um 9%

1112313

Lögð fram gjaldskrá fyrir dvöl í leik- og heildagsskóla, fyrir árið 2012, sem var vísað til afgreiðslu byggðarráðs frá 75. fundi fræðslunefndar.

Byggðarráð samþykkir fyrirlagða gjaldskrá.

13.Gjaldskrá Tónlistarskóla - hækkun um 3%

1112310

Lögð fram gjaldskrá tónlistarskóla fyrir árið 2012, sem var vísað til afgreiðslu byggðarráðs frá 75. fundi fræðslunefndar.

Byggðarráð samþykkir fyrirlagða gjaldskrá.

14.Breytingar á gjaldskrá Héraðsbókasafnsins

1112272

Lögð fram gjaldskrá Héraðsbókasafns Skagfirðinga fyrir árið 2012, sem var vísað til afgreiðslu byggðarráðs frá 58. fundi menningar- og kynningarnefndar.

Byggðarráð samþykkir fyrirlagða gjaldskrá.

15.Breytingar á gjaldskrá Byggðasafns

1112273

Lögð fram gjaldskrá Byggðasafns Skagfirðinga fyrir árið 2012, sem var vísað til afgreiðslu byggðarráðs frá 58. fundi menningar- og kynningarnefndar.

Byggðarráð samþykkir fyrirlagða gjaldskrá.

16.Gjaldskrá Húss frítímans 2012

1112275

Lögð fram gjaldskrá vegna útleigu á Húsi frítímans árið 2012, sem var vísað til afgreiðslu byggðarráðs frá 181. fundi félags- og tómstundanefndar.

Byggðarráð samþykkir fyrirlagða gjaldskrá.

17.Gjaldskrá íþróttamannvirkja 2012

1112274

Lögð fram gjaldskrá fyrir sundlaugar og íþróttasali sveitarfélagsins 2012, sem var vísað til afgreiðslu byggðarráðs frá 181. fundi félags- og tómstundanefndar.

Byggðarráð samþykkir fyrirlagða gjaldskrá með þeirri undantekningu að gjaldskrárliðurinn árskort til starfsmanna sveitarfélagsins fellur út.

18.Gjaldskrá sorphirða og sorpurðun

1112125

Lögð fram gjaldskrá fyrir árið 2012 vegna sorpurðunar og sorphirðu, sem var vísað til afgreiðslu byggðarráðs frá 71. fundi umhverfis- og samgöngunefndar.

Byggðarráð samþykkir fyrirlagða gjaldskrá með þeirri breytingu að inn komi nýr liður, sorpeyðingargjald - hesthús á skipulögðum svæðum í þéttbýli - hver séreign, 3.000 kr. pr. ár.

19.Gjaldskrá 2012 - Brunavarnir

1112281

Lögð fram gjaldskrá fyrir þjónustu Brunavarna Skagafjarðar árið 2012, sem var vísað til afgreiðslu byggðarráðs frá 71. fundi umhverfis- og samgöngunefndar.

Byggðarráð samþykkir fyrirlagða gjaldskrá.

20.Gjaldskrá Skagafjarðarhafnir

1112126

Lögð fram gjaldskrá Skagafjarðarhafna fyrir árið 2012, sem var vísað til afgreiðslu byggðarráðs frá 71. fundi umhverfis- og samgöngunefndar.

Byggðarráð samþykkir fyrirlagða gjaldskrá.

21.Styrkumsókn frá Menningarsetri Skagfirðinga í Varmahlíð til rekstrar Miðgarðs

1112319

Erindinu er vísað frá 58. fundi menningar- og kynningarnefndar.

Byggðarráð samþykkir að fela sviðsstjóra markaðs- og þróunarsviðs að senda styrkumsókn til Menningarseturs Skagfirðinga vegna reksturs Menningarhússins Miðgarðs.

22.Framlag Akrahrepps til rekstrar Héraðsbókasafns Skagfirðinga

1112320

Erindinu er vísað frá 58. fundi menningar- og kynningarnefndar.

Byggðarráð samþykkir að vísa erindinu til afgreiðslu samstarfsnefndar með Akrahreppi.

23.Fjárhagsáætlun 2012

1109011

Lögð fram drög að fjárhagsáætlun ársins 2012 fyrir sveitarfélagið og stofnanir þess.

Byggðarráð samþykkir að senda fjárhagsáætlun 2012 með áorðnum breytingum til síðari umræðu í sveitarstjórn.

24.Saurbær 146483 - Tilkynning um aðilaskipti að landi.

1111171

Lagt fram til kynningar erindi frá sýslumanninum á Sauðárkróki varðandi aðilaskipti að Saurbæ í Kolbeinsdal, landnúmer 146483. Seljandi er Kristín Sigurmonsdóttir og kaupandi Gísli B. Gíslason.

25.Unastaðir 146498 - Tilkynning um aðilaskipti að landi.

1111172

Lagt fram til kynningar erindi frá sýslumanninum á Sauðárkróki varðandi aðilaskipti að Unastöðum í Kolbeinsdal, landnúmer 146498. Seljandi er Kristín Sigurmonsdóttir og kaupandi Gísli B. Gíslason.

26.Hafragil 145884 - Tilkynning um aðilaskipti að landi.

1111170

Lagt fram til kynningar erindi frá sýslumanninum á Sauðárkróki varðandi aðilaskipti að Hafragili, landnúmer 145884. Seljandi er Arion banki hf. og kaupandi Sævar Hjaltason.

Fundi slitið - kl. 13:12.