Byggðarráð Skagafjarðar

300. fundur 15. mars 2005
Byggðarráð  Skagafjarðar
Fundur 300 – 15.03. 2005
 
Ár 2005, þriðjudaginn 15. mars kom byggðarráð saman til fundar í Ráðhúsinu kl. 1000.
Mætt voru: Bjarni Jónsson, Ásdís Guðmundsdóttir, Gunnar Bragi Sveinsson, Gréta Sjöfn Guðmundsdóttir, áheyrnarfulltrúi S-lista og Ársæll Guðmundsson, sveitarstjóri.
 
DAGSKRÁ:
 
                  1.            Erindi frá Félags- og tómstundanefnd – Samningur við Flugu hf..
                  2.            Vinarbæjamót í Kongsberg.
                  3.            Trúnaðarmál.
                  4.            Eignasjóður
                  5.            Bréf og kynntar fundargerðir:
a)      Bréf frá yfirfasteignamatsnefnd.
b)      Frá Félagsmálaráðuneytinu – úthlutun framlags vegna sérþarfa fatlaðra nemenda í grunnskólum fjárhagsárið 2005.
c)      Frá Sambandi íslenskra sveitarfélaga – ráðstefna um nýmæli í stjórnun sveitarfélaga.

Afgreiðslur:

1.      Lagður fram samningur við Flugu hf, sem Félags- og tómstundanefnd hefur gert og samþykkt fyrir sitt leyti, um kaup á ákveðnum fjölda tíma í reiðhöllinni Svaðastaðir til afnota fyrir barna- og unglingastarf og þjálfun fatlaðra.  Samningurinn er til fimm ára og hljóðar upp á kr 2.100 þús á ári.
Byggðarráð samþykkir samninginn.
 
2.      Lögð fram dagskrá Vinarbæjarmótsins í Kongsberg 16. – 19. maí nk.
Byggðarráð samþykkir að fela sveitarstjóra að ganga frá ferðatilhögun.
 
3.      Sjá trúnaðarbók.
 
4.      Eignasjóður.  Elsa Jónsdóttir sviðsstjóri Eignasjóðs kom inn á fundinn
a)      Steinsstaðir. – leiga á aðstöðu fyrir ferðamenn.
Byggðarráð samþykkir að leigja núverandi leigutaka einnig fyrrverandi smíðastofu að Steinsstöðum og geymslu í sama húsi.
b)      Lagt fram tilboð í  Jöklatún 5.  Alls bárust 9 tilboð.
Byggðarráð samþykkir að ganga að hæsta tilboði kr. 12,1 milljón frá Ármanni Jóni Garðarssyni.
c)      Lagt fram tilboð í fasteignina Laugatún 5.  Alls bárust 3 tilboð.
Byggðarráð samþykkir að ganga að hæsta tilboði kr. 10,05 milljónir frá Björgvini Jónssyni og Helgu Kristínu Bjarnadóttur.
d)      Lagt fram tilboð í Raftahlíð 48 frá Pétri Inga Björnssyni.
Byggðarráð samþykkir að ganga að tilboðinu kr. 11,5 milljónir.
e)      Innlausn á íbúðinni Jöklatún 1.
Byggðarráð samþykkir innlausnina og að íbúðin verði auglýst til sölu.
f)        Önnur mál.
                                                               i.      Breytingar á tækjasal íþróttahússins á Sauðárkróki
Byggðarráð óskar eftir tillögum frá Umhverfis- og tæknisviði fyrir næsta fund byggðarráðs.
 
5.      Bréf og kynntar fundargerðir:
a)      Lagt fram bréf frá Yfirfasteignamatsnefnd, dagsett 9. mars 2005 varðandi framlengdan frest til að úrskurða í máli fiskeldisstöðvarinnar Hraun I.
b)      Lagt fram bréf frá Sambandi íslenskra sveitarfélaga, dagsett 4. mars 2005, varðandi ráðstefnu um nýmæli í stjórnun sveitarfélaga. 
Byggðarráð hvetur sveitarstjórnarfulltrúa til að sækja ráðstefnuna.
c)      Lagt fram bréf frá Félagsmálaráðuneytinu. dagsett 8. mars 2005 varðandi úthlutun framlags vegna sérþarfa fatlaðra nemenda í grunnskólum fjárhagsárið 2005.
 
Fleira ekki gert, fundargerð upplesin og samþykkt, fundi slitið kl. 1220