Byggðarráð Skagafjarðar

250. fundur 22. janúar 2004
Byggðarráð  Skagafjarðar
Fundur 250 – 22.01. 2004

_____________________________________________________________________________ 
 
 
Ár 2004, fimmtudaginn 22. jan., kom byggðarráð saman til fundar í Ráðhúsinu kl. 1000.
Mættir voru: Gísli Gunnarsson, Gunnar Bragi Sveinsson og Bjarni Jónsson auk sveitarstjóra Ársæls Guðmundssonar.
 
Dagskrá:
  1. Menningarhús
  2. Erindi frá Kristbjörgu Ingvarsdóttur
  3. Styrkumsókn vegna forvarnarstarfs
  4. Málefni Eignasjóðs
a)      Laugatún 6
b)      Drög að auglýsingu vegna Steinsstaða
  1. Bréf og kynntar fundargerðir:
a)      Bréf frá Maríu Björk Ingvadóttur
AFGREIÐSLUR:
 
    1.    Á fundinn komu Áskell Heiðar Ásgeirsson sviðsstj. markaðs- og þróunarsviðs, Unnar Ingvarsson forstöðumaður Fræðaseturs Skagfirðinga auk Braga Þórs Haraldssonar frá Verkfr.stofunni Stoð ehf. til viðræðu um menningarhús í Skagafirði.
 
Viku þeir síðan af fundi.
 
    2.    Lagt fram bréf frá Kristbjörgu Ingvarsdóttur, dagsett 15. janúar 2004, þar sem hún óskar eftir leyfi sveitarstjórnar til að nota byggðamerki Sveitarfélagsins Skagafjarðar á vörur og minjagripi.
Byggðarráð samþykkir að fela sveitarstjóra að fá nánari upplýsingar frá umsækjanda.
 
    3.    Lagt fram bréf frá gjaldkera forvarnarstarfs læknanema, dagsett 6. janúar 2004, um styrkumsókn.
Byggðarráð sér sér ekki fært að verða við erindinu.
 
    4.    Málefni Eignasjóðs.  Elsa Jónsdóttir kemur á fundinn.
a)      Lagt fram tilboð í Laugatún 6, Sauðárkróki að upphæð kr. 9.200.000.
Byggðarráð samþykkir að ganga að  tilboðinu.
 
Áskell Heiðar Ásgeirsson sviðsstjóri markaðs- og þróunarsviðs kom á fundinn.
 
b)      Drög að auglýsingu um eignir í Steinsstaðahverfi – leiga á skólahúsnæði og atvinnuhúsnæði með m.a. aðstöðu fyrir gesti tjaldstæðis.
Byggðarráð samþykkir drögin með áorðnum breytingum og heimilar auglýsingu á eignunum.
 
Áskell Heiðar og Elsa viku af fundi.
 
    5.    Bréf og kynntar fundargerðir:
a)      Bréf frá Maríu Björk Ingvadóttur, dagsett 16. janúar 2004, um launamál.
Byggðarráð samþykkir að fela sveitarstjóra að svara erindinu.
 
Fleira ekki gert, fundargerð upplesin og samþykkt, fundi slitið kl.1205