Byggðarráð Skagafjarðar

161. fundur 19. desember 2001
Byggðarráð  Skagafjarðar
Fundur 161 - 19.12.2001
 
 
Ár 2001, miðvikudaginn 19. desember, kom byggðarráð saman til fundar á skrifstofu Skagafjarðar kl. 1000.
Mætt voru:  Snorri Styrkársson, Herdís Á. Sæmundardóttir, Elinborg Hilmarsdóttir, Gísli Gunnarsson og Ásdís Guðmundsdóttir auk sveitarstjóra Jóns Gauta Jónssonar. 
DAGSKRÁ:
                                         
1.           Fjárhagsáætlun 2002
                                         
2.           Aukning hlutafjár í Norðlenskri orku hf.
                                         
3.           Húseignir Skagafjarðar ehf. – yfirfærsla eigna
                                         
4.           Sameining veitna
                                         
5.           Erindi frá Húsnæðissamvinnufélagi Skagafjarðar
                                         
6.           Sala á hluta af Aðalgötu 2 til Náttúrustofu Norðurlands vestra
                                         
7.           Sala hlutabréfa í Steinullarverksmiðju
                                         
8.           Tilboð í þarfagreiningu vegna upplýsingakerfis
                                         
9.           Erindi frá MÍÆ v/Bifrastar
                                     
10.           Erindi frá Sjúkraliðafélagi Íslands v/kjarasamnings
                                     
11.           Erindi frá landbúnaðarráðuneyti v/leigu á jörðinni Móafelli
                                     
12.           Aðalfundur Snorra Þorfinnssonar ehf. 20.12. 2001
                                     
13.           Erindi frá Kvennaathvarfi v/rekstrarstyrks 2002
                                     
14.           Fundargerð Launanefndar sveitarfélaga, 175. fundur, 05.12. 2001
                                     
15.           Fundargerð samstarfsnefndar Þroskaþjálfafélags og Launanefndar
                             sveitarfélaga
                                     
16.           Húsnæðismál skrifstofu sveitarfélagsins

 

AFGREIÐSLUR: 
                  1.               Sveitarstjóri fór yfir og kynnti fjárhagsáætlun sveitarsjóðs fyrir árið 2002.
Byggðarráð samþykkir að vísa fjárhagsáætlun sveitarsjóðs Skagafjarðar eins og hún liggur fyrir, til fyrri umræðu í sveitarstjórn.  Jafnframt samþykkir byggðarráð að vísa fjárhagsáætlunum Hafnarsjóðs Skagafjarðar, Vatnsveitu Skagafjarðar, Hitaveitu Skagafjarðar og félagsíbúða til fyrri umræðu í sveitarstjórn. 
                  2.               Lagt fram bréf frá Norðlenskri orku ehf., dagsett 19. desember 2001, varðandi hlutafjáraukningu í félaginu.
                    Byggðarráð telur að  ekki sé ástæða til að fjalla um
                    hlutafjáraukningu að svo stöddu.
 
                  3.               Lögð fram drög að fjárhagsáætlun fyrir Húseignir Skagafjarðar ehf. fyrir árið 2002 auk lista yfir eignir sem færast frá sveitarsjóði til félagsins.
Byggðarráð samþykkir að selja þær 39 eignir sem tilgreindar eru á framangreindum lista til Húseigna Skagafjarðar ehf. að upphæð kr. 262.825.000 gegn yfirtöku veðlána að upphæð kr. 109.665.000.  Mismunurinn verður greiddur í auknu hlutafé.
                  4.               Byggðarráð samþykkir að Hitaveita Skagafjarðar og Vatnsveita Skagafjarðar verði sameinaðar í eitt öflugt orkufyrirtæki miðað við 31. desember 2001, undir nafninu Skagafjarðarveitur. 
                  5.               Lagt fram bréf frá Hússnæðissamvinnufélagi Skagafjarðar, ódagsett, þar sem óskað er eftir 300.000 kr. styrk vegna stofnkostnaðar.
Byggðarráð samþykkir að verða við beiðninni.
                  6.               Sala á hluta af Aðalgötu 2 til Náttúrustofu Norðurlands vestra.
Byggðarráð samþykkir að selja Náttúrustofu Norðurlands vestra helming fasteignarinnar Aðalgötu 2 á kr. 14.000.000 og felur sveitarstjóra að ganga frá samningum með fyrirvara um samþykki sveitarstjórnar, auk þess að gera samkomulag um nýtingu eignarinnar við kaupanda.
                  7.               Farið yfir stöðu mála varðandi sölu hlutabréfa sveitarfélagsins í Steinullarverksmiðjunni hf. 
                  8.               Lagt fram tilboð í þarfagreiningu vegna upplýsingakerfis frá Element hf., dagsett 11. desember 2001.
Byggðarráð samþykkir að taka tilboði Elements hf. í þarfagreininguna.  Snorri Styrkársson óskar bókað að hann taki ekki þátt í afgreiðslu þessa máls.
                  9.               Lagt fram bréf frá MÍÆ nefnd, dagsett 17. desember 2001, varðandi Félagsheimilið Bifröst.
Byggðarráð samþykkir fyrir sitt leyti hugmyndir hússtjórnar um félagsheimilið.
              10.               Lagt fram afrit af bréfi til Ríkissáttasemjara frá Sjúkraliðafélagi Íslands, dagsett 15. desember 2001, varðandi kjarasamning fyrir sjúkraliða í starfi hjá sveitarfélögum.
Byggðarráð samþykkir að fela Launanefnd sveitarfélaga að semja við Sjúkraliðafélag Íslands fyrir hönd sveitarfélagsins.
              11.               Lagt fram bréf frá landbúnaðarráðuneytinu, dagsett 13. desember 2001, þar sem óskað er samþykkis sveitarstjórnar á leigusamningi á milli ráðuneytisins og ábúenda Brúnastaða um jörðina Móafell í Fljótum.
Byggðarráð hefur ekkert við leigusamninginn að athuga.
              12.               Lagt fram aðalfundarboð, dagsett 11. desember 2001,  um aðalfund Snorra Þorfinnssonar ehf. fyrir árið 2000, 20. desember nk. á Grand Hótel í Reykjavík.
Byggðarráð samþykkir að þeir sveitarstjórnarmenn sem sjái sér fært að mæta, fari með atkvæðisrétt sveitarfélagsins hlutfallslega. 
              13.               Lagt fram bréf frá Samtökum um kvennaathvarf, dagsett 28. nóvember 2001, þar sem sótt er um rekstrarstyrk fyrir árið 2002.
Byggðarráð samþykkir að vísa erindinu til félagsmálanefndar.
              14.               Lögð fram til kynningar fundargerð 175. fundar Launanefndar sveitarfélaga frá 5. desember sl. 
              15.               Lögð fram til kynningar fundargerð 11. fundar samstarfsnefndar Þroskaþjálfafélags Íslands og Launanefndar sveitarfélaga frá 7. desember sl. 
              16.               Kynntar mögulegar lausnir varðandi húsnæðismál skrifstofu sveitarfélagsins.
 
Fleira ekki gert, fundargerð upplesin og samþykkt, fundi slitið kl. 1250.
 
                                                                        Margeir Friðriksson, ritari.