Atvinnu- og ferðamálanefnd

59. fundur 18. mars 2010 kl. 12:30 - 14:00 í Ráðhúsi, Skr.
Nefndarmenn
  • Snorri Styrkársson formaður
  • Sigurður Árnason aðalm.
  • Páll Dagbjartsson aðalm.
  • Sigurlaug Kristín Konráðsdóttir áheyrnarftr. VG
  • Áskell Heiðar Ásgeirsson sviðsstjóri markaðs- og þróunarsviðs
Fundargerð ritaði: Áskell Heiðar Ásgeirsson sviðsstjóri markaðs- og þróunarsviðs
Dagskrá

1.Uppbyggingu á aðstöðu fyrir ferðamenn þar sem þeir geta nálgast upplýsingar um náttúru Skagafjarðar

1003235

Þorsteinn Sæmundsson forstöðumaður Náttúrustofu Norðurlands vestra kom til fundarins og ræddi hugmyndir sem snúa að miðlun upplýsinga til ferðamanna um náttúru Skagafjarðar.

2.Miðlun upplýsinga til gesta á Landsmóti Hestamanna 2010

1003076

Guðrún Brynleifsdóttir starfsmaður á Markaðs- og þróunarsviði kynnti hugmyndir um upplýsingamiðlun til gesta á Landsmóti hestamanna sem haldið verður á Vindheimamelum næsta sumar.

Guðrúnu falið að vinna áfram að málinu.

3.Ensk útgáfa vefsins www.visitskagafjordur.is

1002226

Sviðsstjóri lagði fram minnisblað um uppsetningu á ferðavef sveitarfélagsins visitskagafjordur.is á enskri tungu. Áætlaður kostnaður við verkefnið er kr. 300.000.

Nefndin samþykkir fyrirliggjandi tillögu, vefurinn verði opnaður í maí.

4.Tjaldstæði í Varmahlíð og á Sauðárkróki - rekstur 2010

0909122

Lögð fram drög að samningum við Sigurð Skagfjörð um rekstur tjaldstæðisins í Varmahlíð sumarið 2010 og við Skeljung hf. um rekstur tjaldstæðisins á Sauðárkróki sumarið 2010.

Nefndin samþykkir fyrirliggjandi samningsdrög og felur sviðsstjóra að ganga frá samningum.

5.Ferðaþjónusta - ráðgjöf

1003019

Lagt fram til kynningar erindi frá Kjartani Lárussyni og Steini Lárussyni þar sem þeir bjóða ráðgjöf í ferðaþjónustu.

6.Nýsköpunarsjóður námsmanna - styrkumsókn

1003015

Lagt fram erindi frá Nýsköpunarsjóði námsmanna þar sem sjóðurinn óskar eftir styrk frá sveitarfélaginu.

Nefndin hafnar erindinu.

7.Samstarf á sviði þekkingarstarfsemi - Sveitarfélagið Hornafjörður

1003075

Lögð fram til kynningar drög að viljayfirlýsingu sem undirrituð verður í dag milli forsvarsmanna Sveitarfélagsins Skagafjarðar og Sveitarfélagsins Hornafjarðar um samstarf á sviði uppbyggingar á þekkingarstarfsemi.

8.Ályktun um millilandaflug til Akureyrar

1003144

Lögð fram ályktun frá aðalfundi Félags félags ferðaþjónustunnar um millilandaflug. Í henni segir m.a.:

Aðalfundur Félags ferðaþjónustunnar í Skagafirði haldinn 10. mars 2010 skorar á Sveitarstjórn sveitarfélagsins Skagafjarðar og hreppsnefnd Akrahrepps að fylgjast vel með og taka virkan þátt í umræðum og aðgerðum er varða millilandaflug til Akureyrar.

Páll Dagbjartsson og Sigurlaug Konráðsdóttir óska bókað: Við tökum undir það sjónarmið sem fram kemur í ályktun Félags ferðaþjónustunnar í Skagafirði að beint millilandaflug til Akureyrar er mjög stórt hagsmunamál fyrir alla ferðaþjónustu á Norðurlandi.

9.Ábendingar um úrbætur í ferðamálum í Skagafirði

1003143

Lagðar fram ábendingar frá Félagi ferðaþjónustunnar í Skagafirði um ýmis mál sem tengjast ferðaþjónustu s.s. snyrtingar við Glaumbæ, reiðleiðir í Skagafjarðarhéraði, Sögusetur íslenska hestsins, göngukort, upplýsingaþjónusta fyrir ferðamenn á Sauðárkróki, Minjahúsið á Sauðárkróki, merkingar fyrir ferðamenn og úrbætur í umhverfismál í Skagafirði.

Fundi slitið - kl. 14:00.