Atvinnu- og ferðamálanefnd

71. fundur 08. mars 2011 kl. 09:00 - 10:10 í Ráðhúsi, Skr.
Nefndarmenn
  • Viggó Jónsson varaform.
  • Ingvar Björn Ingimundarson ritari
  • Gunnsteinn Björnsson áheyrnarftr.
  • Svanhildur Guðmundsdóttir áheyrnarftr.
  • Svanhildur Harpa Kristinsdóttir varam.
  • Áskell Heiðar Ásgeirsson sviðsstjóri markaðs- og þróunarsviðs
  • Guðrún Ólafía Brynleifsdóttir starfsm. mark.- þróunarsviðs
Fundargerð ritaði: Áskell Heiðar Ásgeirsson sviðsstjóri markaðs- og þróunarsviðs
Dagskrá

1.Rekstur upplýsingamiðstöðvar í Varmahlíð 2011

1102078

Rætt um mögulegar breytingar í rekstri Upplýsingamiðstöðvarinnar í Varmahlíð, í framhaldi af umræðum sem áður hafa farið fram í nefndinni. Nefndin samþykkir að gengið verði til samninga við Kaupfélag Skagfirðinga um að landshlutaupplýsingamiðstöð fyrir Norðurland vestra verði staðsett í verslun félagsins í Varmahlíð og að KS annist rekstur hennar. Jafnframt verði leitað eftir endurnýjum samnings við Ferðamálastofu um fjármögnun á rekstri miðstöðvarinnar. Samningar þessa efnis skulu liggja fyrir í þessum mánuði.

Ennfremur verði teknar upp viðræður við Alþýðulist um það með hvaða hætti viðskilnaður í núverandi húsnæði mun fara fram, en það hús er í eigu einkahlutafélagsins Ferðasmiðjunnar sem er m.a. í eigu sveitarfélagsins og Alþýðulistar.

2.Rekstur tjaldstæða 2011

1101201

Lagðar fram umsóknir sem bárust eftir að auglýst var eftir rekstraraðilum fyrir tjaldstæðin í Varmahlíð, Hofsósi og á Sauðárkróki.

Sviðsstjóra og verkefnastjóra falið að ræða nánar við umsækjendur og leggja drög að samningum fyrir næsta fund.

3.Landsmót hestamanna á Vindheimamelum 2011

1101144

Sviðsstjóri kynnti stöðu mála varðandi undirbúning Landsmóts hestamanna sem fram fer á Vindheimamelum í sumar. Undirbúningur mótsins er í fullum gangi og miðasala hefst síðar í mánuðinum. Farið verður í auglýsingaátak á næstu vikum og leitað eftir samstarfi við þjónustuaðila og hrossaræktendur um þátttöku í því.

Fundi slitið - kl. 10:10.