Atvinnu- og ferðamálanefnd

85. fundur 13. september 2012 kl. 08:15 - 08:56 í Ráðhúsi, Skr.
Nefndarmenn
  • Bjarni Jónsson formaður
  • Viggó Jónsson varaform.
  • Ingvar Björn Ingimundarson ritari
  • Árni Gísli Brynleifsson áheyrnarftr.
  • Arnljótur Bjarki Bergsson varam. áheyrnarftr.
  • Sigfús Ingi Sigfússon starfsm. mark.- þróunarsviðs
  • Margeir Friðriksson sviðsstjóri stjórnsýslu- og fjármálasviðs
Fundargerð ritaði: Sigfús Ingi Sigfússon Verkefnastjóri
Dagskrá
Ingvar Björn Ingimundarson var í símasambandi við fundinn.

1.Gæran - tónlistarhátíð

1206292

Tekin fyrir styrkbeiðni frá forsvarsmönnum Tónlistarhátíðarinnar Gærunnar sem óska eftir fjárhagslegum stuðningi við hátíðina. Samþykkt að styrkja hátíðina um kr. 150.000,- af fjárhagslið 13890 til viðbótar við annan stuðning sveitarfélagsins. Jafnframt samþykkt að óska eftir upplýsingum um afkomu hátíðarinnar. Atvinnu- og ferðamálanefnd fagnar framtaki forsvarsmanna hátíðarinnar og lýsir yfir ánægju sinni með að Gæran virðist vera að festa sig í sessi.

2.Umsókn um styrk til þátttöku í RIFF

1209093

Tekin fyrir styrkbeiðni frá Skottu ehf. til kvikmyndasýninga á Sauðárkróki í tengslum við Reykjavik International Film Festival. Samþykkt að styrkja Skottu ehf. um kr. 200.000,- af fjárhagslið 13890 um leið og nefndin fagnar framtakinu og því verkefni sem framundan er í samvinnu Skottu, RIFF og Fjölbrautaskóla Norðurlands vestra.

3.Beiðni um styrk

1209106

Tekin fyrir styrkbeiðni frá Pálínu Jónsdóttur listakonu vegna þátttöku í alþjóðlegri matarsýningu á Ítalíu. Samþykkt að styrkja verkefnið um kr. 200.000,- af fjárhagslið 13890. Atvinnu- og ferðamálanefnd óskar Pálínu velgengni í verkefninu og skilyrðir styrkinn við að Matarkista Skagafjarðar verði kynnt á sýningunni og að Sigfús Ingi, starfsmaður nefndarinnar, fylgist með framgangi verkefnisins. Jafnframt fer nefndin fram á að afrakstur ferðarinnar verði kynntur á fundi hennar að sýningu lokinni.

4.Umsókn um byggðakvóta fiskveiðiársins 2012/2013

1209095

Tekið fyrir bréf frá atvinnu- og nýsköpunarráðuneytinu þar sem bæjar- og sveitarstjórnum er gefinn kost á að sækja um byggðakvóta fyrir fiskveiðiárið 2012/2013 og skal umsókn send fyrir 28. september nk. Sigfúsi Inga falið að senda inn umsókn fyrir hönd sveitarfélagsins.

Fundi slitið - kl. 08:56.