Atvinnu-, menningar- og kynningarnefnd

Sigfús Ingi Sigfússon sveitarstjóri bar upp tillögu þess efnis að Eyrún Sævarsdóttir, fulltrúi B-lista, verði varaformaður atvinnu-, menningar- og kynningarnefndar.
Nefndin samþykkir tillöguna.

Lögð fram til kynningar upplýsingasíða um vinnu sjö starfshópa sem skila eiga tillögu að aðgerðum í aðgerðaráætlun fyrir ferðaþjónustustefnu ríkisins til ársins 2030.

Teknar fyrir tillögur að forgangsverkefnum fyrir Áfangastaðaáætlun Norðurlands sem auglýst var eftir þann 24.08.2023. Forgangslistinn er uppfærður árlega.
Atvinnu-, menningar- og kynningarnefnd samþykkir að setja eftirfarandi forgangsverkefni í Áfangastaðaáætlun Norðurlands.

Staðarbjargavík
Hólar í Hjaltadal
Austurdalur
Glaumbær
Kakalaskáli

Tekin fyrir styrkbeiðni frá Erlu Valgarðsdóttur fyrir hönd Kirkjukórs Glaumbæjarprestakalls, dagsett 10.09.2023, vegna þátttöku kórsins í menningarvöku sem haldin er bænum Rheinsberg í Þýskalandi í nóvember.
Atvinnu-, menningar- og kynningarnefnd þakkar erindið en getur ekki styrkt ferðina að þessu sinni. Nefndin bendir jafnframt á Uppbyggingarsjóð Norðurlands vestra fyrir styrki sem þessa.

Magnús Barðdal verkefnastjóri fjárfestinga á SSNV mætti á fundinn og stýrði vinnustofu um stefnumótun í atvinnumálum Skagafjarðar. Niðurstöður vinnustofunnar verða lagðar fyrir sveitarstjórn.