Atvinnu-, menningar- og kynningarnefnd

67. fundur 25. september 2019 kl. 13:30 - 14:42 í Ráðhúsi, Skagf.braut 17-21
Nefndarmenn
  • Gunnsteinn Björnsson formaður
  • Sigríður Magnúsdóttir varaform.
  • Ragnheiður Halldórsdóttir ritari
  • Hildur Þóra Magnúsdóttir varam. áheyrnarftr.
Starfsmenn
  • Sigfús Ólafur Guðmundsson verkefnastjóri
  • Heba Guðmundsdóttir verkefnastjóri
Fundargerð ritaði: Sigfús Ólafur Guðmundsson Verkefnastjóri
Dagskrá

1.Styrkbeiðni vegna kórferðalags

1908207

Tekin fyrir styrkbeiðni dagsett 26. ágúst 2019 frá Kirkjukór Sauðárkróks vegna kórferðalags til Kaupmannahafnar.
Atvinnu-, menningar og kynningarnefnd þakkar erindið og samþykkir að styrkja kórinn um 200.000 kr.
Tekið af lið 05890.

2.Styrkbeiðni vegna sauma á kyrtli

1909067

Tekin fyrir styrktarbeiðni frá Pilsaþyt í Skagafirði vegna saums á kyrtli sem yrði til afnota fyrir Fjallkonu Skagafjarðar á 17. júní dagsett 05.09.19.
Atvinnu-, menningar- og kynningarnefnd samþykkir að styrkja verkefnið um 300.000 kr og felur starfmönnum nefndarinnar að gera samstarfssamning við Pilsaþyt um verkefnið.
Tekið af lið 05712.

3.Gjaldskrá 2020 Byggðasafn Skagfirðinga - Glaumbær

1905078

Lögð fram gjaldskrá Byggðasafns Skagfirðinga fyrir árið 2020. Gjaldskráin er óbreytt frá fyrra ári.
Atvinnu-, menningar og kynningarnefnd samþykkir að gjaldskrá Byggðasafns Skagfirðinga verði óbreytt frá fyrra ári.

4.Breyting á opnunartíma Byggðasafns Skagfirðinga - Glaumbær

1905079

Tekið fyrir erindi frá safnstjóra Byggðasafns Skagfirðinga, Berglindi Þorsteinsdóttur, um breyttan opnunar Byggðasafn Skagfirðinga í Glaumbæ. Dagsett 28.05.2019.
Atvinnu-, menningar og kynningarnefnd ákveður að fresta ákvörðun um opnunartíma Byggðasafns Skagfirðinga og mun jafnframt fara í vettvangsferð og ræða starfsemi safnsins.

5.Fyrirspurn um stöðu framkvæmda í varðveislurými Byggðasafnsins

1909235

Tekin fyrir fyrirspurn Ragnheiðar Halldórsdóttur nefndarmanni um stöðu framkvæmda í varðveislurými Byggðasafns Skagfirðinga dagsett 23.09.19
Farið var yfir stöðu framkvæmda á varðveislurými Byggðasafnsins er hún eftirfarandi:
- Eldvarnahurðar munu berast í þessari viku og verður þá farið í uppsetningu á þeim.
- Lagnavinna vegna brunakerfis er að hefjast en búið er að útvega allt efni og brunastöðin sjálf er einnig klár.
- Búið er að malbika bílastæði fyrir framan varðveislurýmin.

Ragnheiður Halldórsdóttir (Byggðalista) óskar bókað:
Fulltrúi ByggðaLista leggur til að nefndin fari í vettvangsferð að Borgarflöt 17-19 og taki út þær framkvæmdir sem þar hafa átt sér stað síðustu mánuði. Með því geta nefndarmenn og starfsmenn nefndarinnar séð svart á hvítu hver staða húsnæðisins er í raun og veru. Á sama tíma er hægt að fá nánari upplýsingar um hvað veldur þeirri miklu töf sem hefur orðið á framkvæmdum í húsnæðinu og hversu lengi verkið mun tefjast í viðbót. Í fjárhagsáætlun fyrir árið 2019 (málaflokk 05 - menningarmál) var gert ráð fyrir 5,4 mkr. í húsleigu fyrir 9 mánuði sem nemur 600.000 kr. á mánuði. Nú er kominn september og geymslurýmið enn ekki tilbúið og mun því þurfa að framlengja leigusamninginn. En það hefur verið ljóst síðan í desember 2018 að ráðast þyrfti í frekari öryggisráðstafanir í geymslurýminu vegna starfsemi bifreiðaþjónustu í sama húsnæði. Þær úrbætur sem þörf var á í húsnæðinu voru nokkrar en þó ekki það miklar að verkið ætti að taka eins langan tíma og raun ber vitni. Vettvangsferð mun leiða af sér að hægt verði að leggja raunverulegt mat á stöðu framkvæmda og hvenær verði hægt að hefja flutning munanna.

Atvinnu-, menningar- og kynningarnefnd er samþykk því að fara í vettvangsferð á helstu starfsstöðvar Byggðasafnsins og skoða starfsemi safnsins heildstætt.

6.Nýtt fiskveiðiár 2019-2020, úthlutað aflamark

1909024

Tekin fyrir til kynningar úthlutuðu aflamarki fyrir fiskveiðiárið 2019/2020 sem barst nefndinni þann 02.09.2019.

7.Ferðamenn í Skagafirðir 2010-2018; tilboð

1902134

Lögð fram til kynningar skýrsla um ferðamenn í Skagafirði 2010-2018.
Atvinnu-, menningar- og kynningarnefnd felur starfsmönnum nefndarinnar að finna leiðir til að afla ítarlegri upplýsinga um komur ferðamanna í Skagafirði en þær sem koma fram í þessari skýrslu.

Fundi slitið - kl. 14:42.