Atvinnu-, menningar- og kynningarnefnd

58. fundur 02. júlí 2018 kl. 15:00 - 15:50 að Sæmundargötu 7a
Nefndarmenn
  • Gunnsteinn Björnsson formaður
  • Sigríður Magnúsdóttir varaform.
  • Ragnheiður Halldórsdóttir ritari
  • Inga Katrín D. Magnúsdóttir áheyrnarftr.
Starfsmenn
  • Ásta Björg Pálmadóttir sveitarstjóri
  • Sigfús Ingi Sigfússon verkefnastjóri
Fundargerð ritaði: Sigfús Ingi Sigfússon verkefnastjóri
Dagskrá

1.Kosning formanns, varaformanns og ritara - Atvinnu-menningar og kynningarnefnd

1806294

Lögð fram tillaga um Gunnstein Björnsson sem formann, Sigríði Magnúsdóttur sem varaformann og Ragnheiði Halldórsdóttur sem ritara nefndarinnar. Samþykkt samhljóða. Formaður tók við fundarstjórn.

2.Ræsing Skagafjörður 2018

1805065

Rætt um samstarfsverkefni Sveitarfélagsins Skagafjarðar, Nýsköpunarmiðstöðvar Íslands og Kaupfélags Skagfirðinga um nýsköpunarsamkeppnina Ræsing Skagafjörður.
Nefndin samþykkir að þróa verkefnið áfram í samvinnu við samstarfsaðila og stefna að auglýsingu um samkeppnina í haust.

3.Styrkbeiðni VSOT

1804205

Tekin fyrir styrkbeiðni frá Þórólfi Stefánssyni vegna tónleikanna Villtir svanir og tófa 2018. Atvinnu-, menningar- og kynningarnefnd fagnar framtakinu og þakkar þeim sem að tónleikunum standa. Jafnframt vekur nefndin athygli á Uppbyggingarsjóð Norðurlands vestra sem veitir styrki til menningarviðburða í landshlutanum.
Atvinnu-, menningar- og kynningarnefnd samþykkir að styrkja Þórólf um kr. 50.000,- til hátíðarinnar sem tekinn verður af lið 05890.

4.Hugmyndir um menningarhús á Sauðárkróki

1701022

Rætt um skipan þarfagreiningarnefndar um byggingu menningarhúss á Sauðárkróki. Á liðnu kjörtímabili skipaði hvert framboð í Sveitarfélaginu Skagafirði einn fulltrúa í nefndina en auk þeirra situr þar Héraðsskjalavörður Héraðsskjalasafns Skagfirðinga.
Atvinnu-, menningar- og kynningarnefnd beinir því til byggðarráðs að skipa að nýju fulltrúa í þarfagreiningarnefnd um byggingu menningarhúss á Sauðárkróki.

5.Menningarhús á Sauðárkróki - Viljayfirlýsing

1805045

Lögð fram til kynningar viljayfirlýsing á milli Mennta- og menningarmálaráðuneytis og Sveitarfélagsins Skagafjarðar um fjármögnun, undirbúning og byggingu menningarhúss á Sauðárkróki.

6.Safnstjóri Byggðasafns

1806286

Lögð fram til kynningar tilkynning um ráðningu Berglindar Þorsteinsdóttur í stöðu safnstjóra Byggðasafns Skagfirðinga.
Atvinnu-, menningar- og kynningarnefnd óskar Berglindi til hamingju með ráðninguna og hlakkar til samstarfsins við hana.
Atvinnu-, menningar- og kynningarnefnd þakkar Sigríði Sigurðardóttur fráfarandi safnstjóra fyrir vel unnin störf til áratuga í þágu Byggðasafnsins og óskar henni velfarnaðar á nýjum vettvangi.

Fundi slitið - kl. 15:50.