Atvinnu-, menningar- og kynningarnefnd

25. fundur 22. október 2015 kl. 08:30 - 10:40 í Ráðhúsi, Skr.
Nefndarmenn
  • Gunnsteinn Björnsson formaður
  • Viggó Jónsson varaform.
  • Hanna Þrúður Þórðardóttir ritari
Starfsmenn
  • Sigfús Ingi Sigfússon verkefnastjóri
  • Friðrik Margeir Friðriksson sviðsstjóri stjórnsýslu- og fjármálasviðs
  • Laufey Kristín Skúladóttir verkefnastjóri
  • Bertína Guðrún Rodriguez verkefnastjóri
Fundargerð ritaði: Sigfús Ingi Sigfússon Verkefnastjóri
Dagskrá

1.Skilagreinar stýrihópa vegna úttektar á búsetuskilyrðum

1510161

Kynntar voru niðurstöður og drög að skilagreinum stýrihópa vegna úttektar á búsetuskilyrðum. Nefndin fagnar framkomnum hugmyndum og þakkar fyrir góða vinnu hópanna. Starfsmönnum nefndarinnar er falið að kortleggja og greina skörun á milli tillagna hópanna og leggja fram fyrir næsta fund hennar.

2.European Destinations of Excellence - Matarkistan

1407091

Atvinnu-, menningar- og kynningarnefnd samþykkir að veita hvatningarstyrk að upphæð kr. 250.000,- til undirbúnings á matartengdum ferðapakka um Skagafjörð, að höfðu samráði við stjórn Matarkistu Skagafjarðar, áfram til ferðaskrifstofunnar North West Adventures sem er með slíka pakka í þróun.

3.Hönnunarsamkeppni um þjónustuhús í Glaumbæ - Framkvæmdasjóður ferðamannastaða

1510162

Lagðar fram til kynningar umsóknir að uppbyggingarverkefnum í Glaumbæ í Framkvæmdasjóð ferðamannastaða. Nefndin samþykkir að senda umsóknir í sjóðinn.

4.Ljósmyndasamkeppni 2016

1510062

Samþykkt að efna til ljósmynda- og myndbandasamkeppni um náttúru og mannlíf í Skagafirði. Starfsmönnum nefndarinnar falið að vinna að frekari útfærslu á reglum og tilhögun keppninnar.

5.Kynning á helstu verkefnum Markaðsstofu Norðurlands

1510160

Starfsmenn Markaðsstofu Norðurlands komu til fundar og kynntu helstu verkefni og áherslur stofunnar á komandi misserum, m.a. þróun á skipulagi og stoðkerfi ferðaþjónustunnar, Flugklasa og beinu millilandaflugi til Akureyrar, vegasamgöngum, viðburði o.fl.

Fundi slitið - kl. 10:40.