Atvinnu-, menningar- og kynningarnefnd

8. fundur 12. maí 2014 kl. 10:00 - 11:47 í Ráðhúsi, Skr.
Nefndarmenn
  • Bjarni Jónsson formaður
  • Viggó Jónsson varaform.
  • Ingvar Björn Ingimundarson ritari
  • Gunnsteinn Björnsson áheyrnarftr.
Starfsmenn
  • Sigfús Ingi Sigfússon verkefnastjóri
  • Friðrik Margeir Friðriksson sviðsstjóri stjórnsýslu- og fjármálasviðs
Fundargerð ritaði: Sigfús Ingi Sigfússon Verkefnastjóri
Dagskrá

1.Tónlistarhátíðin Gæran 2014

1405058

Tekin fyrir umsókn um styrk frá forsvarsmönnum tónlistarhátíðarinnar Gærunnar. Atvinnu-, menningar- og kynningarnefnd fagnar þessu ágæta framtaki og hvetur aðstandendur hátíðarinnar til að halda áfram uppbyggingu og þróun hátíðarinnar. Nefndin samþykkir að veita kr. 250.000,- til hátíðarinnar og beinir því til starfsmanna nefndarinnar að aðstoða eftir föngum við undirbúning hennar.

2.Lummudagar 2014

1405073

Tekin fyrir umsókn um stuðning vegna héraðshátíðarinnar Lummudaga 2014. Samþykkt að styrkja hátíðina um kr. 150.000,- Viggó Jónsson vék af fundi undir þessum lið.

3.Vísanir í skagfirska listamenn

1312241

Unnar Ingvarsson, héraðsskjalavörður, kom til fundar nefndarinnar og kynnti hugmyndir að Hannesarspori og tengingu þess við kynningu á skagfirskum listamönnum. Samþykkt að vinna áfram að málinu í samráði við skipulags- og byggingarnefnd og héraðsskjalavörð.

4.Safnapassi

1401187

Ræddar hugmyndir um sérstakan safna- eða gestapassa fyrir söfn og sundlaugar á vegum sveitarfélagsins. Samþykkt að fela Sigfúsi Inga að vinna að nánari útfærslu í samráði við forstöðumenn safna og sundlauga og koma með tillögur á næsta fund nefndarinnar.

5.Samningar við björgunarsveitir í Skagafirði

1405072

Kynnt drög að þjónustusamningi við Skagfirðingasveit og hugmyndir að sambærilegum samningum við aðrar björgunarsveitir í Skagafirði. Sigfúsi Inga falið að vinna áfram að málinu á þessum grunni.

6.Brothættar byggðir

1405059

Kynnt verkefnið "Brothættar byggðir" sem hefur að markmiði m.a. að leiða fram skoðanir íbúanna sjálfra á framtíðarmöguleikum heimabyggðarinnar og leita lausna á þeirra forsendum í samvinnu við ríkisvaldið, landshlutasamtök, atvinnuþróunarfélag, sveitarfélagið, brottflutta íbúa og aðra. Samþykkt að fela Sigfúsi Inga að ganga frá umsókn í verkefnið vegna Hofsóss og óska eftir samstarfi við landshlutasamtökin SSNV vegna þess.

Fundi slitið - kl. 11:47.