Hafnarstjórn

2. fundur 09. september 1998 kl. 08:15 Skrifstofa Skagafjarðar

Hafnarstjórn

Sameinaðs  sveitarfélags  í  Skagafirði

Fundur 2 – 09.09.98

  

   Ár 1998, miðvikudaginn 9. september, kom hafnarstjórn saman til fundar á skrifstofu Skagafjarðar kl. 8,15.

Mættir voru: Brynjar Pálsson, Gunnar Valgarðsson, Eiríkur Jónsson, og Pétur Valdimarsson. Auk þeirra sátu fundinn Hallgrímur Ingólfsson, tæknifræðingur, Guðmundur Árnason, hafnarstjóri og Snorri Björn Sigurðsson, sveitarstjóri.

 

 

Dagskrá:

  1. Ársfundur Hafnasambandsins.
  2. Lóð v. asfalttanks.
  3. Skemmdir á hafnargarði.

 

 

Afgreiðslur: 

1. Hafnarstjórn samþykkir að Brynjar Pálsson og Guðmundur Árnason sæki ársfund Hafnasambands sveitarfélaga, sem haldinn verður í Vestmannaeyjum dagana 17. og 18. september n.k.

 

2. Þar sem komið hefur í ljós að lóð undir asfalttank í suðausturhorni gámavallar hefur ekki verið úthlutað formlega, þá samþykkir hafnarstjóri að úthluta Vegagerð ríkisins lóðinni, sjá skipulagsuppdrátt dags. í maí 1998.

Jafnframt samþykkir hafnarstjórn að fela bæjartæknifræðingi að semja við Króksverk um að grjótverja lóðina.

 

3. Bæjartæknifræðingur gerði grein fyrir því sem gerst hefur vegna bótakrafna sem hafnaryfirvöld gera á hendur eigendum flutningaskipsins, sem sigldi á hafnargarðinn aðfararnótt 31. maí sl.

 

Fleira ekki gert. Fundargerð upplesin og samþykkt. Fundi slitið.

 

Gunnar Valgarðsson                Snorri Björn Sigurðsson

Eiríkur Jónsson                        Guðm. L. Árnason

Pétur Valdimarsson                 Hallgrímur Ingólfsson

Brynjar Pálsson