Frisbígolfvöllur

Frisbígolfvöllur er staðsettur í Sauðárgili á Sauðárkróki, nánar tiltekið í og við Litla skóg.

Folf eða frisbígolf er skemmtileg íþrótt sem allir geta stundað, þar sem útivist, hollri hreyfingu og skemmtun er blandað saman.

Folf er leikið á svipaðan hátt og venjulegt golf. Í stað golfkylfa og golfbolta nota leikmenn frisbídiska þar sem markmiðið er að klára hverja braut á sem fæstum köstum. Á vellinum er að finna teiga, brautir og flatir þar sem markmiðið er að koma diskunum í þar til gerðar körfur sem gegna hlutverki hola.

Folf er skemmtileg íþrótt og tilvalin fyrir alla fjölskylduna.

Mynd af frisbígolfvellinum á Sauðárkróki:

Frisbígolfvöllurinn á Sauðárkróki