Mikil veikindi starfsmanna félagsþjónustu sem hafa áhrif á daglega þjónustu þessa daga

Mynd frá Iðju hæfingu.
Mynd frá Iðju hæfingu.

Eins og kunnugt er, er talið að veikindi vegna Covid- 19 séu í hámarki. Í Skagafirði eru mikil veikindi og fjölmargir starfsmenn fyrirtækja og stofnana heima vegna þeirra. Því miður hefur þurft að draga úr þjónustu félagsþjónustunnar og gera breytingar sem hefur áhrif á daglegt líf fólks sem nýtur þjónustunnar. Leita hefur þurft til bakvarða vegna þjónustu við fatlað fólk en sem betur fer hefur ekki þurft að grípa til lokana. Draga hefur þurft úr daglegri þjónustu s.s. í heimaþjónustu, dagdvöl, Iðju hæfingu, stuðnings – og stoðþjónustu við fatlað fólk og almennri ráðgjöf. Aðstandendur eru beðnir um að vera vakandi yfir líðan og heilsu notenda þjónustu og vera í sambandi við félagsþjónustu ef þörf er á.

Tökum vel utan um starfsemi félagsþjónustu og hjálpumst að við að klára þetta.

Með fyrirfram þökkum.