Þjónusta við börn með fötlun / þroskafrávik og fjölskyldur þeirra

Ráðgjafarþjónusta: 

Ráðgjöf og leiðbeiningar til fjölskyldna fatlaðra barna og samræming á þjónustu til þeirra.   

Skammtímavistun Grundarstíg 22. 
Markmið þjónustunnar er að létta álagi af fjölskyldum fatlaðra barna og stuðla með þeim hætti að því að börn geti búið sem lengst í heimahúsum. Þá er skammtímavistun jafnframt ætlað að veita fötluðum ungmennum og fullorðnum, sem búa í heimahúsum tilbreytingu og búa þá undir að flytjast úr foreldrahúsum. Skammtímavistunin þjónar öllu Norðurlandi vestra. 
Umsóknum skal skilað til Fjölskylduþjónustu Skagfirðinga, Félagsþjónustunnar á Hvammstanga, eða Blönduósi.

Umsókn um skammtímavistun

Stuðningsfjölskyldur: 
Hlutverk stuðningsfjölskyldna er að taka fatlað barn í umsjón sína í skamman tíma í þeim tilgangi að létta álagi af fjölskyldum þess. 
Beiðni um þjónustu skal skilað til Fjölskylduþjónustunnar. 
  
Leikfangasafn: 
Veitt er þroska- og leikþjálfun, tekin þroskamöt á börnum og veitt ráðgjöf til foreldra og annarra, svo sem leikskóla og stuðningsfjölskyldna sem annast börnin. 
  
Umönnunarbætur: 
Fjárhagsleg aðstoð við foreldra fatlaðra barna. Starfsmaður fjölskylduþjónustunnar gerir tillögur um greiðslu og sendir til Tryggingarstofnunar ríkisins.

Umsóknareyðublöð fást hjá Fjölskylduþjónustunni, einnig hægt að nálgast þau á www.tr.is 
  
Liðveisla 
Er veitt fötluðum einstaklingum 6 ára og eldri. Með liðveislu er átt við persónulegan stuðning og aðstoð sem einkum miðar að því að rjúfa  félagslega einangrun t.d. aðstoð til að njóta menningar og félagslífs. 
Umsóknum skal skila til Fjölskylduþjónustunnar.

Reglur um liðveislu
Umsókn vegna liðveislu.

  

Ragnheiður Ásta

  Ragnheiður Ásta Jóhannsdóttir
  Ráðgjafarþroskaþjálfi
  Netfang: ragnheidura(hja)skagafjordur.is

   
Guðrún Hanna


  Guðrún Hanna Kristjánsdóttir
  Forstöðumaður Skammtímavistunar
  Sími: 455 6051
  Netfang: gudrunhanna(hja)skagafjordur.is